E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Festivali Ndërkombëtar i Karnavaleve në Korçë

6 Qershor 2014, 22:00, Aktualitet CNA

Sot në orën 18:00 do të zhvillohet Festivali Ndërkombëtar i Karnavaleve në Korçë. Festivali do të fillojë me paradën e grupeve përgjatë Bulevardit ?Republika? për të vazhduar me performancën e çdo grupi tek sheshi para katedrales të qytetit. Prej ditësh qyteti ka marrë një pamje festive me posterat e vendosura nëpër rrugët e qytetit dhe përgatitjet që kanë zhvilluar grupet pjesmarrëse.

Për ti paraprirë festës së madhe të karnavaleve, e cila do të kulmojë pasditene sotme, janë organizuar dje Karnavalet e Fëmijëve. Fëmijë të shumtë, nga kopshte të ndryshëm të qytetit të shoqëruar nga prindërit e tyre, janë argëtuar të veshur me kostume shumëngjyrëshe duke personifikuar personazhet e animuar të preferuar.

Për të shtatin vit radhazi, në qytetin e Korçës organizohet Festivali Ndërkombëtar i Karnavaleve, i cili pritet që edhe këtë vit të ndezë atmosferën në pedonalen e qytetit. 30 grupe të ndryshme nga Maqedonia, Mali i Zi, por dhe nga Tirana, Elbasani, Kavaja e Korça, do të performojnë veshur karnaval nën ritmin e muzikës. Për herë të parë pjesë e këtij evenimenti do të bëhet edhe Shkodra.

Grupet e karnavaleve pritet ti ofrojnë publikut fabula të ndryshme, si ?luftën? e pashtershme për të hyrë në Bashkimin Europian, serenatën korçare, titullin kampion në futboll, dasmën, mbërritjen e verës, harmoninë e fëmijve etj. Festivalit të shtatë Ndërkombëtar të Karnavaleve nuk do ti mungojë ashtu si çdo vit edhe karnavali i famshëm i Polenës.

Sipas drejtoreshës së mardhënieve me publikun, Larisa Katundi, e veçanta e këtij viti është se krahas grupeve të konsoliduara, si karnavale marrin pjesë dhe qytetarë të shumtë, të cilët janë vetorganizuar, duke shpreur dëshirën për të prezantuar fabulën e tyre.

Më pas grupet e karnavalit do të shpërndahen në baret dhe restorantet e qytetit ku festa do të vazhdojë gjatë. Shumë bare kanë organizuar party, me maska, cila prej vitesh po kthehet në një traditë. Edicioni i shtatë i Festivalit Ndërkombëtar të Karnavaleve konsiston edhe me çeljen e sezonit turistik 2014-të në qytetin e Korçës.