web counter
LEXO PA REKLAMA!

SHKARKO APP

App Store
Google Play

Shpërthimi në KEK, dy të vdekur, një punëtor nxirret i gjallë nga rrënojat

6 Qershor 2014, 22:00, Aktualitet CNA

Një shpërthim i fuqishëm, që mund të kishte marrë përmasat e një tragjedie ndodhi dje në ambientet e Koorporatës Elektroenergjitike të Kosovës, në Obiliq. Sipas mediave në Kosovë, janë konfirmuar dy viktima, ndërsa një punëtor që dyshohej i vdekur është nxjerrë i gjallë nga rrënojat. Nga shpërthimi raportohen edhe 13 persona të plagosur, nga të cilët 11 ndodhen jashtë rrezikut për jetën.

Në mbëmje ka përfunduar dhe operacioni i kërkimit në gërmadhat e ndërtesës së KEK-ut ku ndodhi shpërthimi. Mjekët ligjorë janë kthyer në departamentin e tyre dhe po ekzaminojnë trupat e pajetë të Bashkim Mehanës, 51-vjeç nga Vushtrria dhe Latif Jasharit nga Prishtina.

Kryeministri i Kosovës, Hashim Thaçi, deklaroi se do të krijojë komision ekspertësh për të hetuar shkaktarët e tragjedisë në Korporatën Energjetike të Kosovës. Thaçi, ndoqi nga afër të gjitha veprimet e ekipeve të emergjencës dhe u largua nga termocentrali vetëm kur problemi u izolua dhe nuk kishte rrezik përshkallëzimi dhe premtoi se rasti do të hetohet në tërësi nga ekspertët e fushës.

Ndonëse si fillim u përfol për një shtyrje të mundshme të ditës së zgjedhjeve, pas një diskutimi mes Presidentes së Kosovës, Ahtifete Jahjaga së bashku me përfaqësues të Komisionit Zgjedhor, vendosën mos shtyrjen e tyre. Zgjedhjet e parakohshme në Kosovë do të mbahen më datën 8 qershor. 





Lajmet e fundit nga