web counter
LEXO PA REKLAMA!

SHKARKO APP

App Store
Google Play

E fundit!

x

Basha: Kemi ndërhyrë me sukses në Lazarat. Greva e ish-të përndjekurve është mësim për mua

28 Maj 2014, 15:49, Politikë CNA

Kryetari i Partisë Demokratike, Lulzim Basha, duke folur për News24, tha se kur ai ishte ministër i Brendshëm, është ndërhyrë me sukses në Lazarat.

?Kemi ndërhyrë dhe me sukses të plotë. Unë me shumë realizëm dua t?u them këtu edhe atë që u kam thënë kolegëve tuaj, droga nuk filloi dje. Përmasat e këtij problemi sot janë të pakrahasueshme. Kjo qeveri është bërë palë me symbylljen dhe syshkeljen me trafikantët. Kjo qeveri nuk ka as vullnetin politik dhe as rezultate në luftën kundër drogës. Gjatë nëntorit ka filluar të kultivohet një farë e veçante drogë, që në 35 ditë arrin maturimin total. U hoqën vizat se ne angazhuam komunitetin në Lazarat kundër kultivimi të drogës. Morëm masat për të parandaluar kultivimin. Ndryshimi është që gjatë qeverisjes sonë u konstatua se kultivimi i drogës në tërësi ishte në minimumin historik, për shkak të luftës kundër trafikimit,? tha Basha.

Por kryetari i PD foli edhe për grevën e urisë së ish-të përndjekurve. Edhe pse në atë kohë i lanë njerëzit të digjen, Basha thotë se ky është një mësim për të.

?Greva e ish-të përndjekurve ishte tragjedi. Dhe ka padyshim elemente të dhimbshme në atë grevë. Ky ishte një mësim për mua dhe PD-në, për gjithë shoqërinë,? tha Basha.

Gazeta Tema





Lajmet e fundit nga