web counter
LEXO PA REKLAMA!

SHKARKO APP

App Store
Google Play

E fundit!

x

Ngjela: Droga, Rama s’ka lidhje

23 Maj 2014, 20:14, Politikë CNA

Opozita u nxitua në organizimin e protestës që ka si kauzë trafikun e drogës. Kështu shprehet kryetari i Partisë Ligj dhe Drejtësi Spartak Ngjela.

?Nuk e bëjnë dot këta opozitën, protesta ishte e nxituar, Saliu të largohet se është bërë qesharak dhe barrë e rëndë për opozitën?, tha Ngjela në emisionin ?Opinion? në News24.

Në lidhje me akuzat e opozitës, sipas të cilës Kryeministri Edi Rama është i lidhur me trafikun e drogës, Ngjela thekson se Kreu i Qeverisë nuk ka lidhje direkte me drogën, edhe pse e ka ditur që në Shqipëri droga qarkullon. Ngjela shtoi se në rastin e drogës që lëviz me avion, Rama nuk diti t?i përgjigjej politikisht akuzave të opozitës.

?Rama e dinte që droga ecte këtu, kanabisi ecte, si kryeministër ishte në dijeni, por Rama s?ka lidhje me drogën, mund ta ketë lejuar se s?ka fuqi ta ndalojë, nuk ka fonde. Nuk ka lidhje Rama me drogën, droga ka qenë konstante, e kanë pasur të gjitha qeveritë. Rama e dinte për drogën por nuk diti të mbrohej politikisht. Rama ra në kurthin e Saliut. Kur e akuzuan për drogë ai tha jo nuk ka pasur, në vend që të thoshte do ta investigoj këtë çështje. Kur avioni ra, ra dhe deklarata e tij. Në politikë duhet të jesh shumë i kujdesshëm edhe ndaj të pavërtetave?, komentoi Ngjela.

Ndërsa në lidhje me reformën në drejtësi, kreu i PLD u shpreh se në Shqipëri ende nuk ekziston kjo reformë.

?Nuk ka reformë në drejtësi. Gjykatën Administrative e mori Saliu për të ruajtur interesat e familjes së tij. E kanë strukturuar vetë. Kjo është gjendja sot, kush do ta rregullojë Naço? Reforma është doktrinë për dhënien e drejtësisë, ajo sot çalon, ka 20 e ca defekte të Gjykatës të cilat duhet të riparohen, në fund vjen korrupsioni?, tha ai më tej.





Lajmet e fundit nga