web counter
LEXO PA REKLAMA!

SHKARKO APP

App Store
Google Play

1450 kg drogë nga Shqipëria kapet në Katania. Në pranga tre italianë

21 Maj 2014, 20:17, Aktualitet CNA

Një tjetër sasi e madhe droge është sekuestruar nga autoritetet italiane.

Policia e Katanias, në kuadër të operacionit ?Sunset?, ka sekuestruar 1450 kg marijuanë në portin ?Ognina?, e cila vinte nga Shqipëria.

Sipas mediave, droga është sekuestruar në bordin e një anije peshkimi, 22 metra e gjatë, që mbante emrin ?Arizona?, dhe që prej të premtes kishte dalë në det të hapur.

Policia ka arrestuar edhe tre persona, vëllezërit Giuseppe dhe Sebastiano Costanzo, respektivisht  51 dhe 52 vjeç, dhe Sandro Mirabella, 45 vjeç.

Po hetohet lidhur me identifikimin e personave, të cilët kanë porositur ngarkesën.

Policia ka theksuar se kishte mbajtur anijen në një monitorim të vazhdueshëm.

Me të mbërritur në brigjet italiane, anija është bllokuar, ku në bazë të kontrollove është gjetur edhe ngarkesa e drogës, e cila ishte fshehur në brendësi të motorit të anijes.

Në bazë të përllogaritjeve të autoriteteve italiane, nëse droga do të kishte dalë në treg, ajo do të kapte shifrën e 6 milionë eurove.

Kjo vlerë do të dyfishohej, ose trefishohej nëse droga do të shitej me pakicë.

Ky operacion është pjesë e një hetimi të gjerë të policisë së Katanias lidhur me trafikun e drogës përmes kanalit detar nga Evropa Lindore në Siçili.





Lajmet e fundit nga