web counter
LEXO PA REKLAMA!

SHKARKO APP

App Store
Google Play

E fundit!

x

Kapet vrasesi i binesmenit nga Fieri

19 Maj 2014, 19:20, Aktualitet CNA

Sipas burimeve të policisë, në pranga ka rënë shtetasi Ildi Hoxha, 21 vjeç, i dyshuar për vrasjen e biznesmenit Agron Ymeraj.

I dyshuari po tentonte të udhëtonte drejt Italisë.

21-vjeçari është shoku i ngushtë i shtetasit Eni Veshi, 24 vjeç, i cili është djali i Koli Veshit, që është vrarë në vitin 2011 nga djemte e biznesmenit Ymeraj.

Policia dyshon se Ildi Hoxha dhe Eni Veshi mund ta kenë kryer bashkë vrasjen.

Një ditë më parë, burimet treguan se kamerat e sigurisë të një lokali aty pranë kanë fiksuar një djalë të ri, të gjatë, me një xhup me kapuç, i cili ka vepruar brenda pak sekondash.

Për shkak të shiut të rrëmbyeshëm dhe shpejtësisë në veprim të vrasësit, filmimi nuk ka ndihmuar dot në krijimin e identikitit të saktë të autorit.

Biznesmeni i pajisjeve hidrosanitare u qëllua për vdekje mëngjesin e së premtes, pak metra larg shtëpisë së tij, në parkingun e automjeteve.

Autori priti sa Ymeraj hipi në automjet për ta qëlluar me breshëri.

Dyshohet se shkak i vrasjes të jetë hakmarrja, pasi djemtë e viktimës u akuzuan dhe më pas u lanë të lirë për vrasjen e inxhinierit fierak Koli Veshi, në vitin 2011.





Lajmet e fundit nga