web counter
LEXO PA REKLAMA!

SHKARKO APP

App Store
Google Play

E fundit!

x

Reforma territoriale, Basha: Refuzimi i konsensusit do të ketë pasoja

17 Prill 2014, 22:00, Politikë CNA

Kreu i opozitës, Lulzim Basha, në një prononcim për mediat, i ka bërë apel qeverisë që të krijojë mundësinë e konsesusit për reformën territoriale. Basha theksoi se për këtë reformë është i domosdoshëm konsensusi dhe nëse ai refuzohet atëherë do të ketë pasoja. ?Ne urojmë që konsensusi i cili u premtua dhe pastaj u kthye në një të paqenë, të kthehet dhe të jetë vlerë me të cilën i përvishemi një reforme, siç është reforma territoriale-administrative. Nuk është asnjëherë vonë për të reflektuar. Nuk e kuptojmë nxitimin e mazhorancës drejt veprimeve të njëanshme për rivizatimin e kufijve, kur reforma duhet shumë më e thellë dhe përfundimi i reformës duhet t?i shërbejë qytetarëve, jo partive politike dhe as hartave elektorale. Ndaj edhe një herë i bëj thirrje kryeministrit Rama, kryetarit të Kuvendit Meta, si dy bashkëkryetar të mazhorancës të bëjnë të mundur konsensusin. Nga ana tjetër refuzimi i konsensusit do të ketë pasoja dramatike, do të zhvlerësojë çdo hap të njëanshëm dhe do të fusë vendin në një spirale destabiliteti politik sepse refuzimi i konsensusit për këtë reformë është në fakt refuzim i bashkëjetesës demokratike .? u shpreh Basha.





Lajmet e fundit nga