E fundit!

15:45 Aktualitet

46 ditë protestë/ Mbahet sot tubimi i radhës kundër qeverisë

Pasditen e sotme në Tiranë para Kryeministrisë mbahet prot...

Noka: Rama mesazh Tahirit “mendo ku ke gabuar, cfarë nuk ke bëre mirë e cdo bësh për të riparuar në qoftë se mundesh".

10 Prill 2014, 22:00, Politikë CNA

Ka ngjallur debate të forta në komisionin hetimor të ngritur për largimet, lëvizjet dhe emërimet në Policinë e Shtetit mesazhi telefonik, i bërë publik nga ish-ministri i Brendshëm Flamur Noka, i cili thotë se është nisur nga kryeministri Rama në drejtim të ministrit Tahiri. Sipas Nokës, kryeministri Rama konstaton rritje të vrasjeve gjatë muajit mars, në krahasim me të njëjtën periudhë të një viti më parë dhe i kërkon ministrit Tahiri të marrë masa. Por i menjëhershem ka qënë reagimi i Tahirit i cili shprehet se mesazhi në fjalë ekziston, por është nisur nga telefoni i tij në drejtim të dy vartësve. Ai gjithashtu deklaroi në komisionin hetimor se ndryshimet në kupolën e Policisë së Shtetit janë bërë në konsultim me ish-drejtorin Hysni Burgaj, për të vendosur në krye të policisë ekspertë e profesionistë të aftë e të përkushtuar pasi në muajin shtator e kishte gjetur Policinë e Shtetit të gjunjëzuar, ndërsa një pjesë e drejtuesve nuk plotësonin kriteret e nevojshme për të drejtuar Policinë.

Ja sms e plote e Rames per Tahirin:

“Nga muaji mars 2014 dyfish vrasje krahasuar me muajin Mars 2013, gjithashtu janë përkeqësuar gjithë treguesit e tjerë dhe kjo është e trishtë për mua dhe e rëndë për qytetarët dhe shpresoj që për ty të mos jetë vetëm tregues statistike. Kjo nuk është kurrkund ajo që ke marrë përsipër përballë qytetarëve, pra si unë edhe ti. Është e përsëritur thirrja për hir të punës dhe dashamirësisë njerëzore karshi teje, por ky kufi nuk mund të shkelet me neglizhencë fatale si ky lëshim skandaloz i punës dhe për këtë nuk jam shumë larg së menduari se problemi je ti dhe jo vartësit e tu dhe nëse janë të paaftë ata, nuk kam kohë dhe dëshirë të merrem me ta, por mua më takon të merrem me ty. Unë besimin që të kam dhënë, detyra dhe pritshmëria e publikut se meritojnë gjëkundi këtë pritshmëri. Flasim nesër për më tepër, por këto orë që kanë mbetur bëj më pak orë gjumë dhe mendo ku ke gabuar, cnuk bëre mirë e cdo bësh për të riparuar në qoftë se mundesh”.