E fundit!

12:05 Aktualitet

Protestat/ Balla: Dritan Goxhaj punon për regjimin iranian

Kreu i grupit parlamentar të PS-së Taulant Balla, në një d...

Angjeli: Marrëveshja e qeverisë me FMN-në, e domosdoshme

1 Prill 2014, 22:00, Politikë CNA

Deputeti i PS, dhe ish-ministri i financave Anastas Angjeli, është shprehur për marrëveshjen e qeverisë me FMN-në, e cila ka qënë mjaft e përfolur kohët e fundit për rritjen e taksave dhe vendosjen e disa taksave të reja. Në rrejtin social Facebook, ai ka shkruar se: ?Shqipëria nuk është rasti i vetëm kur institucione ndërkombëtare, organizata apo grupime shtetesh i vene kushte te “renda” ne shkëmbim te asistencës teknike apo monetare. Me gjithë kundërshtitë e kuptueshme politike, edhe pse absurde te opozites, askush nuk mund te pengoje sinjalet pozitive dhe te dukshme te ktheses ekonomike, stabilizimit financiar dhe kapërcimit te vështirësive.? Më poshtë keni mundësi të lexoni shkrimin e plotë të Angjelit.

?PER ATA QE KUNDERSHTOJNE MAREVESHJEN E QEVERISE ME FMN-POR JO VETEM.

Kam ndjekur me kujdes dhe me shqetesim debatet dhe sidomos kundershtite ,edhe pse pa argument,ndonjehere edhe dashakeqese per marreveshjen e Qeverise me FMN.Nuk jam habitur.Natyrisht nuk mund te mos reagoje.

FMN ardhja, kthimi dhe rikthimi qe nga marrëveshja e pare ne fillim vitet 90, ne një analize te fundit është dhe një indikator i gjendjes se ekonomisë shqiptare, zhvillimit te saj, ulje ngritjeve te skajshme dhe kjo, jo për shkak te zbatimit te politikave te diktuara nga ky organizëm, por për shkak te keqmenaxhimit te brendshëm nga faktorët ekzekutive,politikave te munguara,dhe padyshim ndikimit te krizes globale ne pergjithesi dhe te eurozones ne vecanti.. Me shume sesa krijimi i barrierave fiktive mes qeverise dhe institucioneve ndërkombëtare do te duhet te bënim një analize te thelle te asaj sesi përvoja botërore nuk na ka shërbyer si një nxitës për te përballuar sfidat dhe për te ecur përpara, por shpesh është anashkaluar si një mjet i panevojshëm për tu aplikuar ne tranzicionin e “çuditshëm” shqiptar.

Edhe sot kur nevoja e rikthimit erdhi pikërisht për shkak te shpërfilljes se pafalshme te te gjithë mekanizmave qe rregullojnë universalisht ekuilibrat e një ekonomie.Edhe sot ,po edhe sot,keqinterpretime dhe dashakeqesi nga disa.Per se valle?Mos kuptim?Mos dashje? E qellishme?

Kujt i intereson?

Shqipëria nuk është rasti i vetëm kur institucione ndërkombëtare, organizata apo grupime shtetesh i vene kushte te “renda” ne shkëmbim te asistencës teknike apo monetare. Greqia ndodhet prej disa vitesh nen kontroll te rrepte financiar dhe po përpiqet fort për ta tejkaluar këtë faze dhe për tiu kthyer “pavarësisë” se menaxhimit te burimeve dhe hartimit te politikave. Me gjithë kundërshtitë e kuptueshme politike,edhe pse absurde te opozites,askush nuk mund te pengoje sinjalet pozitive dhe te dukshme te ktheses ekonomike ekonomike,stabilizimit financiar dhe kapërcimit te vështirësive.

Dallimi ne mes te rasteve ka te beje ndoshta me mënyrën e negocimit për te cilën analistet e ndryshëm te fushës kane pikëpamje te ndryshme. Për mendimin tim ne gjendjen e krijuar qeveria ka ndjekur hapat e duhur për ta bindur këtë institucion ne seriozitetin ne zbatimin e politikave dhe ne vullnetin për ti çuar deri ne fund ato, pasi rruga nuk është e lehte dhe pengesat janë te shumta.Ndersa vete FMN-ja ,dukest se pas krizes globale,eshte me e moderuar,me fleksibel.

Te gjithe duhet ta kuptojne se: Marrëveshja e Qeverise Shqiptare me FMN- erdhi pas vlerësimit qe Qeveria Shqiptare dhe misioni i FMN, ne fundvitin e kaluar i beri situatës ekonomike dhe te financave publike te trashëguara nga Qeverisja e mëparshme, ne vend. Ky vlerësim konstatoi se ekonomia e vendit dhe financat publike vazhdonin te kërcënoheshin nga rënia e ritmeve te rritjes ekonomike, nga prishja e ekuilibrit fiskal, rritja e borxheve, rritja e deficitit buxhetor, rritja e kredive te këqija dhe papunësia qe mund te destabilizonin zhvillimin e qëndrueshëm afatmesëm. Ne këto kushte nevoja për financim te jashtëm (nga FMN,por edhe nga Banka Boterore dhe BE qe pritet te ofrohet) ishte jo vetëm e domosdoshme por njëherazi dhe një instrument i nevojshëm, një mbështetje e duhur për te nxitur reduktimin e risqeve themelore ne fushën fiskale, shlyerjen e borxheve te trashëguara (borxhet ndaj biznesit),trajtimin e kujdesshëm te kredive me probleme dhe shtimin e kujdesit dhe fleksibilitetin e politikes monetare, vazhdimin e reformave rregullatore dhe strukturore ne ekonomi.

Ja parashikimet e pritshme dhe ndikimet ne PBB-së dhe borxhit publik, si nga zbatimi i reformave qe do te ndermerren dhe i masave qe do te zbatohen,sipas vlerësimit dhe marreveshjes me FMN-së.
Se fundmi, vlen për tu theksuar,se zbatimi te marrëveshjes me FMN , ne terma konkrete dhe reale,duhet konsideruar edhe si një vlerësim qe ky institucion po ofron fleksibilitetin e nevojshem dhe krijone hapësirat e duhura jovetem per konsolidimin fiskal,por edhe për ti dhënë frymëmarrje ekonomisë shqiptare ne pergjithesi dhe biznesit ne veçanti. Prandaj, sigurimi i mbështetjes financiare nga marrëveshja me FMN, kaq e rëndësishme, është dhe mbetet njëra ane e medaljes. Ana tjetër është e lidhur ngushte me zbatimin e reformave dhe politikave te reja te zhvillimit ekonomik qe qeveria po ndërmerr, reformës strukturore dhe veçanërisht nxitjen e biznesit vendas dhe te huaj për te investuar ne ekonominë tone.
E lehte por e papergjegjshme te kundershtosh.Prandaj e dobishme mbetet ta zbatojme ate.

E pra le ti kthehemi punes dhe jo kundershtive pa vlere.

Anastas Angjeli.”