web counter
LEXO PA REKLAMA!

SHKARKO APP

App Store
Google Play

E fundit!

x

5 vjet në NATO, Rama: Mirënjohje për ata që ndihmuan këtë antarësim, Nishani refuzon ftesën

30 Mars 2014, 22:00, Politikë CNA

Në Ministrinë e Mbrojtjes është zhvilluar sot një ceremoni me rastin e 5-vjetorit të pranimit të Shqipërisë në NATO. Gjatë fjalës së tij, kryeministri Edi Rama ndau bindjen e përbashkët, sikurse presidenti amerikan Obama, se liria nuk mund të sigurohet falas. Shefi i qeverisë shqiptare tha se Shqipëria është e gatshme të paguajë çmimin e lirisë. Kryeministri Rama shprehu mirënjohje për ata që mundësuan këtë arritje historike për vendin. ?Përvjetori i pestë i anëtarësimit të Shqipërisë në NATO rasti më i mirë për të shprehur mirënjohje në radhë të parë për popullin shqiptar që mbështeti në mënyrë plebishitare projektin euroatlantik të vendit. Falënderimi ndaj SHBA është e pashmangshme në ditë si kjo.?- u shpreh kryeministri Rama.
Në këtë ceremoni u vu re mungesa e Presidentit të Republikës, Bujar Nishani. Duke cituar një burim zyrtar të Presidencës, mësohet se kreu i shtetit ka marrë ftesën, por ka refuzuar pjesëmarrjen. Ftesa nuk ka patur axhendë apo program për atë çka do të organizohej, apo se cili do të ishte angazhimi i presidentit në këtë ceremoni. Mungesa e informacionit për rolin e kreut të shtetit, është konsideruar si një fyerje për institucionin e Komandantit të Përgjithshëm të Forcave të Armatosura.





Lajmet e fundit nga