web counter
LEXO PA REKLAMA!

SHKARKO APP

App Store
Google Play

E fundit!

x

Nepotizmi, zëvendëson konkurset e emërimeve

24 Mars 2014, 23:00, Politikë CNA

Nepotizmi tashmë po kthehet në një fenomen që e hasim shpesh, kur bie fjala për emërimet në postet drejtuese shtetërore, madje në të gjitha institucionet. Qeveria aktuale u zotua se të gjitha emërimet do të bëheshin nëpërmjet konkurseve, por deri më tani asnjë proçes konkurimi nuk është bërë transparent. Për më tepër përsa i përket emërimeve në krye të institucione, të personave që janë familjarë, të deputetëve dhe ministrave. Konkurset ishin kryefjala e Edi Ramës në fushatën elektorale të 23 qershorit, madje qeveria organizoi një shfaqje të ekzagjeruar, ku të gjithë personat e interesuar mund të paraqisnin CV-në e tyre online për t?u punësuar në administratë. Por mesa duket nuk ka ndodhur kështu. Ja disa raste:

Agjencia Nacionale e Trafikut Ajror (ANTA), është një ndër shoqëritë aksionere me kapital shtetëror (sh.a) më të rëndësishme në vend. Kjo kompani funksionon me vetëfinancim, pa prekur arkën e buxhetit të shtetit dhe të punësuarit në këtë kompani paguhen me rrogën më të lartë në administratën shtetërore. Emërimet kryhen nga ministria e linjës, me pëlqimin e ndërkombëtarëve.  Që prej shtatorit 2013, ANTA sh.a. drejtohet nga Belinda Balluku, bashkëshortja e një gazetari të njohur në median televizive. Ky ishte emërimi i parë i qeverisë Rama, me të ardhur në pushtet. Ndërkohë në këtë institucion të rëndësishëm, janë të punësuar familjarë të deputetëve të mazhorancës dhe opozitës. Të punësuar tek ANTA, ndër të tjerë, janë; vëllai i deputetes së PD-së Jorida Tabaku, djali i deputetit të LSI-së Spartak Braho, djali i deputetit të PS-së, Bashkim Fino, djali i deputetit të PS-së Gramoz Ruçi, djali i deputetit të PD-së Kastriot Islami.

Familja Shehaj është gjithashtu një rast tipik. Briseida Shehaj ishte po ashtu një ndër emrat e parë, që emëroi kryeministri Rama në krye të Drejorisë së Tatim-Taksave. Edhe vëllai i saj Ervin Shehaj, u emrërua drejtor tek Agjensia Kombëtare e Burimeve Natyrore. E ëma e Briseidës, Xhiko Shehaj u emërua sërish Drejtoreshë Personeli në Ministrinë e Industrisë dhe Energjitikës. Ndërkohë Panajot Gjiknuri, vëllai i ministrit të energjitikës Damian Gjiknuri është emëruar këshilltar i Ministrit të Financave Shkëqim Cani.

Këto janë disa nga rastet në institucionet qëndrore ndërkohë edhe në Korçë ka mjaft raste të njëjta ku familjarët e drejtuesve lokalë të PS-së kanë kapur poste kyçe në administratë duke zëvendësuar dalëngadalë familjarët e drejtuesve të PD-së, me ndërrimin e pushtetit.





Lajmet e fundit nga