web counter
LEXO PA REKLAMA!

SHKARKO APP

App Store
Google Play

E fundit!

x

ZYRTARE/ Flamurtari i beson drejtimin një dysheje të njohur

1 Shkurt 2024, 17:57, Sport CNA

ZYRTARE/ Flamurtari i beson drejtimin një dysheje të njohur

Flamurtari tashmë ka një trajner të ri. Skuadra vlonjate do të drejtohet deri në fund të sezonit nga dy emra që e kanë drejtuar edhe më parë.

Eqerem Memushi dhe Edmond Liçaj do të jenë dyshja që do të ulet në pankinën vlonjate. Dy emra të njohur për Flamurtarin, pasi i kanë drejtuar këta të fundit edhe në të shkuarën. Lajmin për trajnerët e rinj e ka bërë zyrtar vetë klubi vlonjat me anë të një postimi ku shkruan:

“Zyrtare: Eqerem Memushi dhe Edmond Liçaj do të drejtojnë Flamurtari Football Club deri në përfundim të sezonit aktual. U urojmë suksese dhe mirë se ardhje përsëri me fanellën kuqezi të Flamurtari.", thuhet në njoftim. 

Eqerem Memushi e ka drejtuar skuadrën si trajner në vitet 2006, 2007, 2008 dhe 2009. Ai e njeh mjaft mirë ambientin në Vlorë dhe së fundi është parë shpeshherë edhe në stadium. Ka eksperiencë të konsiderueshme si trajner pasi më parë ka drejtuar shumë skuadra si: Bylis, Tomorri, Apolonia, Naftëtari, Vora dhe Orikumi.

Edmond Liçaj ka qenë trajner i Flamurtarit në kohën kur klubi drejtohej nga Shpëtim Gjika. Por ka bashkëpunuar edhe me Sinan Idrizin teksa disa vite më parë kishte rolin e drejtorit në klub.





Lajmet e fundit nga