web counter
LEXO PA REKLAMA!

SHKARKO APP

App Store
Google Play

E fundit!

x

“Vllaznia po lufton në të dyja kompeticionet”, Josa pas barazimit me Laçin: Ja ku e kanë fushën, le të luajnë

16 Tetor 2022, 19:09, Sport CNA

“Vllaznia po lufton në të dyja kompeticionet”, Josa pas

Vllaznia u ndal në barazimin 1-1 përballë Laçit në transfertë, sfidë e vlefshme për javën e tetë të Superiores. Pas ndeshjes, trajneri i shkodranëve, Mirel Josa, u shpreh se ishte i kënaqur me barazimin.

“Nuk mund të thuash se meritonim më shumë. Në pjesën e parë ishte lojë e ekuilibruar. Të dy ekipet donin të kapnin në befasi njëra-tjetrën. Pësuam golin me një pozicion standard. Mund ta kishim evituar. E rëndësishme është se skuadra luajti futboll. E kërkuam golin deri në fund, pata frikë se mund ta pësonim në 5 minutat e fundit.

Në përgjithësi jam i kënaqur me lojën që bëmë, e shikoj nga ana pozitive. Kemi ndërtuar një skuadër që të gjithë të luajnë futboll. Ja ku e kanë fushën. Le të luajnë. Sot i kemi futur të gjithë lojtarët në pozicionet e tyre, veç Krujës në qendër të mesit të fushës.

Nuk duhet të përmen mungesat. Skuadra reagoi shumë mirë pas humbjes që bëmë në ndeshjen e kaluar. Vllaznia po lufton në të dyja kompeticionet. Me Vlorën nuk kishim ndeshje të lehtë”, u shpreh Josa në prononcimin e tij për “Oversport”.





Lajmet e fundit nga