web counter
LEXO PA REKLAMA!

SHKARKO APP

App Store
Google Play

E fundit!

x

Vllaznia në prag të ndeshjes në Letoni/ Flet kapiteni Balaj: Jemi këtu për fitore

16 Korrik 2025, 19:58, Sport CNA

Vllaznia në prag të ndeshjes në Letoni/ Flet kapiteni Balaj: Jemi

Skuadra e Vllaznisë ndodhet prej dy ditësh në Letoni teksa po përgatitet për ndeshjen e kthimit të së enjtes me Daugavpils. Kapiteni Bekim Balaj, foli për gjendjen e skuadrës, duke e cilësuar si optimale.

“Gjendja është optimale. Kemi ardhur prej dy ditësh që skuadra të akomodohet. Shpresoj që këtë gjendje ta shfaqim edhe në fushën e lojës. Fusha ishte në kushte të mira dhe shpresoj të shkojë mirë. Duke ditur mënyrën sesi shkoi ndeshja herën e parë, ne e njohim më mirë ekipin. Kemi ardhur me objektiv të qartë për të fituar ndeshjen”,-tha Bekim Balaj, kapiten i KF Vllaznia. 

I pyetur për shanset e Vllaznisë për kualifikim, Balaj tha se do të bëhet më e mira e mundshme. 

“Nuk di të them me shanse, por ne do të bëjmë më të mirën. Një ndeshje e humbur na ka lënë shije të keqe, por shpresoj të rikuperohemi. Nese e shohim si çështje fati, është shumë të kërkosh fat në dy ndeshje kështu që shpresoj të kemi fat këtë ndeshje. Të them të drejtën, ne nuk merremi me albitrimin sepse merremi me fushën e lojës, megjithatë një gjykim si në Elbasan nuk do donim ta kishim. E rëndësishme është të kalojmë këtë ndeshje, pastaj shohin. Vllazninë e kanë mbështetur gjithmonë tifozët, uroj të ua shperblejmë. Nuk di të them surpriza, por do kërkojmë më me shumë ngulm fitoren”,-tha Balaj.

Pragndeshja Daugavpils-Vllaznia, e vlefshme për UEFA Europa Conference League do të luhet të enjten në orën 17:00. Në ndeshjen e parë Vllaznia humbi me rezultatin 0-1./CNA





Lajmet e fundit nga