web counter
LEXO PA REKLAMA!

SHKARKO APP

App Store
Google Play

VIDEO/ Ndeshja e fundit në karrierë, Gonzalo Higuain shpërthen në lot

18 Tetor 2022, 11:07, Sport CNA

VIDEO/ Ndeshja e fundit në karrierë, Gonzalo Higuain shpërthen

Nju Jork Siti-Inter Majemi, ishte ndeshja e fundit në karrierën profesioniste të Gonzalo Higuain! Sfida e përfunduar me shifrat 3-0 për ekipin nga Nju Jorku, ishte takimi i fundit në karrierë për sulmuesin e njohur që ka bërë histori në futbollin e luajtur. Mbrëmjen e djeshme, 34-vjeçari argjentinas zhvilloi 90-minutëshin e fundit duke arritur në finishin e karrierës futbollistike.

Menjëherë pas vërshëllimës finale, Higuain nuk e përmbajti veten duke shpërthyer në lot në një karrierë mbresëlënëse të zhvilluar me fanellat e shumë skuadrave të njohura dhe më të mëdha në kontinentin e vjetër dhe jo vetëm.

Gonzalo Higuain ka mbajtur veshur fanellat e River Plejt, Real Madrid, Napoli, Juventus, Milan, Çelsi dhe së fundmi Inter Majemi.

Rekordin e tij personal me gola të shënuar, ai e ka me ekipin e Napolit ku ka realizuar 36 gola në 35 ndeshje në Serinë A 2015/2016, duke u shpallur golashënuesi më i mirë në elitën e futbollit italian.

Rekord personal ka gjithashtu edhe me Juventusin, ku arriti të shpallej për dy vite radhazi futbollisti i vitit, në sezonet 2016/2017 dhe 2017/2018.

Në karrierë, “El Pipita” ka fituar 3 tituj kampionë me “Zonjën e Vjetër”, 3 Kupa të Italisë (2 me Juventusin dhe 1 me Napolin), 1 Superkupë të Italisë me Napolin.

Me Realin e Madridit ka fituar 3 tituj kampionë në Spanjë, 1 Kupë të Mbretit dhe 2 Superkupa të Spanjës.

Ndërsa me fanellën e Çelsit ka koleksionuar edhe një Europa Ligë në sezonin 2018/2019.

Në 29 takime në këtë sezon me skuadrën nga Majemi në MLS-në amerikane, Higuain ka shënuar 16 gola dhe ka dhuruar dhe 3 asiste për shokët e ekipit.





Lajmet e fundit nga