E fundit!

09:19 Denoncim

Financimi i kullës së Ervin Matës/ Plug: Mbi 28 milionë euro autofaturime për kompanitë e lidhura me Vilma Nushin

Pas denoncimit të parë, emisioni Plug ka vijuar sërish inv...

VIDEO/ Interi “i çmendur”, skuadra e Inzagit merr një fitore spektakolare në “frymën e fundit” ndaj Fiorentinës

22 Tetor 2022, 23:02, Sport CNA

Interi arriti një fitore dramatike në transfertë ndaj Fiorentinës me rezultatin 3-4. Goli në minutën e 95-të nga armeni Mikhitarjan, i dhuroi 3 pikë të arta zikaltërve të Inzagit, në një duel që i pati të gjitha, golat, kartonët, penalltitë dhe kontestimet.

Nikolo Barella zhbllokoi ndeshjen që në minutën e 2-të, pas një asisti që mori nga Lautaro Martinez. Ky i fundit ishte më i miri në fushën e lojës, teksa në të 15-të do të realizonte një super gol me një goditje të saktë brenda zonës.

Fiorentina reagon dhe në minutën e 33-të do të rihapte ndeshjen me Kabral nga pika e bardhë. Në pjesën e dytë, ekipi vjollcë ishte më dominues, teksa në minutën e 60-të do të gjente golin e barazimit me francezin Ikone, një realizim mjaft i bukur i tij.

Gjihthsesi gëzimi i vendasve zgjati pak minuta pasi Lautaro do të rikthente sërish Interin në avantazh, por këtë herë me një penallti të ekzekutuar në perfeksion. Në minutat e fundit zikaltrit u tërhoqën shumë duke i dhënë mundësinë Fiorentinës që të barazonte me Joviç në fundin e kohës së rregullt, që shtangu skuadrën e Inzagit me një kthesë brenda zonës.

Emocionet nuk përfunduan këtu, pasi në minutën e 95-të, pas një kundërsulmi të shpejt, Interi do të shënonte dhe golin e katërt me Mkhitarian që ishte me shumë fat, pasi u ndihmua nga një top i larguar keq nga një mbrojtës.

FIORENTINA - INTER 3-4

Kabral 32′ (p), Ikone 60′, Jovic 90′ / Barela 2’, Lautaro Martinez 15′ , 72′ (P), Mkhitarjan 90’+5′