web counter
LEXO PA REKLAMA!

SHKARKO APP

App Store
Google Play

Van Basten: Ata që besojnë se Cristiano Ronaldo është më i mirë se Messi, nuk dinë asgjë për futbollin

16 Qershor 2022, 11:40, Sport CNA

Nëse ka dikush që e di se sa e vështirë është të shënosh gola, është Marco Van Basten. Sulmuesi historik i kombëtareve të Holandës dhe Milanit, ndër të tjera, ka folur për mediumin prestigjioz italian ‘Corriere Dello Sport’, ku ka prekur tema të ndryshme dhe është shprehur i habitur nga ata që mendojnë se Cristiano Ronaldo është më i mirë se Leo Messi.

"Cristiano është një lojtar i madh, por ata që thonë se ai është më i mirë se Messi nuk dinë asgjë për futbollin, ose e thonë me keqdashje. Ai është unik. I pamundur për t'u imituar dhe i pamundur të përsëritet. Një lojtar si ai shfaqet çdo 50 apo 100 vjet. Si fëmijë, ai ra në tenxheren e gjeniut të futbollit”, ka thënë Van Basten.

Nga ana tjetër dhe mes reflektimeve të tjera, Van Basten ka zgjedhur edhe ata që nga këndvështrimi i tij janë lojtarët më të mirë në histori. Sipas ish-sulmuesit të Ajaxit, më të mirët ishin Pelé, Cruyff dhe Maradona: "Pelé, (Diego) Maradona dhe (Johan) Cruyff janë për mua tre më të mirët në histori. Si fëmijë doja të isha si Cruyff. Ai ishte shoku im. Më mungon… Pelé dhe Maradona ishin gjithashtu të pabesueshëm”,- e mbyll ai.





Lajmet e fundit nga