web counter
LEXO PA REKLAMA!

SHKARKO APP

E fundit!

x

UEFA zgjedh një gjerman për finalen Arsenal-PSG

11 Maj 2026, 16:57, Sport CNA

UEFA zgjedh një gjerman për finalen Arsenal-PSG

UEFA ka zyrtarizuar emrin e arbitrit që do të vendosë drejtësinë në finalen e madhe të Champions League mes Arsenalit dhe PSG-së. Drejtësia i është besuar 42-vjeçarit gjerman Daniel Siebert, një zgjedhje që vjen si surprizë.

Kjo do të jetë finalja e parë në karrierën e Siebert në nivelet elitare të UEFA-s apo FIFA-s, duke shënuar kështu pikun e karrierës së tij profesionale.

Gjermani njihet si një gjyqtar mjaft strikt në fushën e lojës, fakt që pasqyrohet edhe në statistikat e tij me një mesatare prej pesë kartonësh të verdhë për ndeshje. Përballja pritet të jetë mjaft e tensionuar, duke pasur parasysh stilin e tij të referimit dhe rëndësinë e trofeut.

Finalja e madhe do të luhet më 30 maj në stadiumin "Puskas Arena" të Budapestit. Të dyja skuadrat do të duhet të tregohen të kujdesshme me disiplinën në fushë për të shmangur ndëshkimet nga arbitri gjerman.

Siebert ka arbitruar edhe më parë Arsenalin këtë sezon, në çerekfinale ndaj Sportingut dhe në gjysmëfinalen e kthimit kundër Atletico Madridit.





Lajmet e fundit nga