web counter
LEXO PA REKLAMA!

SHKARKO APP

App Store
Google Play

E fundit!

x

Çudira shqiptare/ Ekipi nuk njeh asnjë humbje, shkarkon trajnerin

11 Prill 2023, 13:45, Sport CNA

Çudira shqiptare/ Ekipi nuk njeh asnjë humbje, shkarkon trajnerin

Nuk kanë fund çudirat në futbollin shqiptar. Nuk mjafton që të jesh në vendin e parë në renditje (shumë pranë arritjes së objektivit final) apo të mos kesh pësuar asnjë humbje në krye të skuadrës për dy sezone rresht.

"Oversport" mëson se drejtuesit e AF Elbasanit kanë vendosur që të ndërpresin bashkëpunimin me trajnerin Gentian Stojku, kur kanë mbetur edhe 4 javë nga përfundimi i kampionatit.

Stojku ka drejtuar AF Elbasanin që nga themelimi i tij, një sezon më parë, duke arritur rezultate të shkëlqyera në fushën e blertë. Nën drejtimin e ish-kapitenit, verdheblutë dominuan Kategorinë e Tretë, ku u shpallën kampionë pa pësuar asnjë humbje në kampionat.

E njëjta ecuri pozitive u tregua edhe këtë vit nga AF Elbasani, që nën drejtimin e Stojkut kryeson Grupin B në Kategorinë e Dytë me 48 pikë të grumbulluara në 18 ndeshje, pa e njohur shijen e humbjes edhe në këtë sezon.

Nuk bëhen të ditura arsyet e vendimit të marrë nga drejtuesit e klubit, por sigurisht që nuk është një lajm i mirë për skuadrën dhe tifozët në këtë pikë kulmore të sezonit, ku AF Elbasani lufton për t'u ngjitur në Kategorinë e Parë.

 





Lajmet e fundit nga