web counter
LEXO PA REKLAMA!

SHKARKO APP

App Store
Google Play

E fundit!

x

U ka mbaruar kontrata/ Skënderbeu tenton të mbajë në skuadër tre nga futbollistët aktualë

2 Qershor 2022, 16:37, Sport CNA
U ka mbaruar kontrata/ Skënderbeu tenton të mbajë në
Skuadra e Skënderbeut

Skënderbeu duket se ka si synim të mbajë në skuadër 3 nga futbollistët aktualë të ekipit, megjithëse atyre iu kanë përfunduar kontratat. Fjala është për portierin Shkëlzen Ruçi, mbrojtësin Dajan Shehi, si dhe kapitenin Vangjel Zguro.

Klubi u ka kërkuar lojtarëve që të mendojnë qëndrimin në Korçë edhe pse ekipi do të luajë në Kategorinë e Parë, kjo për shkak se do të jetë diçka kalimtare dhe klubi ka një projekt ambicioz për të ardhmen.

Shehi, por edhe Zguro kanë qenë të lëkundur për shkak të ofertave nga klube të tjera që kërkojnë shërbimet e tyre.

Por nga sa mësohet, Takaj është i gatshëm që të bëjë një sforco ekonomike duke u plotësuar të gjitha kërkesat financiare lojtarëve vetëm me qëllim qëndrimin te Skënderbeu. Pritet tashmë që palët të takohen sërish për të vendosur të ardhmen.

Nëse drejtuesit arrijnë të bindin tre lojtarët e mësipërm për qëndrimin në Korçë, pa dyshim kjo është një arsye më shumë për të besuar se Skënderbeu mund të kthehet shpejt në elitë, me shpresën për të nisur një tjetër cikël të lavdishëm./ CNA.al





Lajmet e fundit nga