web counter
LEXO PA REKLAMA!

SHKARKO APP

App Store
Google Play

E fundit!

x

Trajneri i Çekisë nënvlerëson Shqipërinë: Kundërshtar kemi Poloninë, do të jemi të suksesshëm!

9 Tetor 2022, 17:57, Sport CNA

Trajneri i Çekisë nënvlerëson Shqipërinë:

Në shortin e hedhur në Frankfurt të Gjermanisë për kualifikueset e "Euro 2024", në Grupin E së bashku me Shqipërinë, Poloninë, Ishujt Faroe dhe Moldavinë, bën pjesë edhe Republika e Çekisë.

Një short ku tri kombëtaret e para janë dukshëm më favorite se Ishujt Faroe dhe Moldavia, megjithatë trajneri i çekëve, Jaroslav Šilhavy, kur vjen puna te pretendentët e grupit nuk e përmend Shqipërinë duke theksuar se kundërshtari i tyre direkt do të jetë Polonia ndërsa shtoi se beson se Kombëtarja e drejtuar prej tij do të jetë e suksesshme.

“Synimi ynë në këtë grup është kualifikimi, nuk ankohemi nga shorti, mund të kishte qenë edhe më keq. Polonia do të jetë favorite, ishin edhe në Vazon e Parë. Megjithatë, ata janë kundërshtari ynë dhe do të luftojmë kundër tyre. Besoj se do të kemi sukses, por nuk dua të nënvlerësoj skuadrat e tjera. Por, nuk mund ta fsheh që Moldavia dhe Ishujt Faroe janë me më pak kualitet. Gjithsesi, ne i respektojmë ato”, u shpreh Silhavy.





Lajmet e fundit nga