web counter
LEXO PA REKLAMA!

SHKARKO APP

App Store
Google Play

E fundit!

x

Tërheqja e Ronaldo-s? Georgina e ka një përgjigje se kur do të ndodhë

19 Shtator 2024, 11:21, Sport CNA
Tërheqja e Ronaldo-s? Georgina e ka një përgjigje se kur do
Georgina Rodriguez

Kur bëhet fjalë për Cristiano Ronaldo-n, duket sikur vitet nuk ndikojnë.

Ndonëse në shkurt 2025 do të bëjë 40 vjeç, ylli i kombëtares së Portugalisë nuk e mendon tërheqjen nga futbolli dhe këtë gjë e ka konfirmuar edhe partnerja e tij, Georgina Rodriguez.

Me rastin e publikimit të episodeve të reja të serialit në Netflix "Unë jam Georgina", kushtuar bashkëshortes së sulmuesit të Al-Nassr, u shfaqën detaje të reja për karrierën e Cristiano Ronaldo-s.

"Kur Cris më tha se do të luante për Al-Nassr, u ndjeva shumë e lehtësuar, sepse mezi prisja të largohesha nga Manchester-i. E dija që na prisnin gjëra të mëdha dhe të gjithë ishim super të motivuar. Isha shumë e lumtur që kalova në Arabinë Saudite”, - deklaroi fillimisht ajo.

Ndërsa, sa i përket kohës se kur pesë herë fituesi i "Topit të Artë" do tërhiqet nga futbolli, Georgina deklaroi se ajo dëshiron të ndodhë sa më vonë.

"Është e pabesueshme edhe sot të shohësh se si futbolli ende e motivon atë si ditën e parë kur e takova. Ai gjithmonë do të japë gjithçka nga vetja. Kur njerëzit më pyesin se kur do të tërhiqet Cristiano, i them vetes se mund të tërhiqet në moshën 50-vjeçare”, -tha ndër të tjera Georgina Rodriguez.

Vlen të theksohet se partnerja e Cristiano Ronaldo-s është fansja më e zjarrtë e tij, ndërsa është prezente në stadium në thuajse çdo ndeshje të sulmuesit./CNA





Lajmet e fundit nga