web counter
LEXO PA REKLAMA!

SHKARKO APP

App Store
Google Play

E fundit!

x

34 penallti të gjuajtura, rekord i "çmendur" në Angli

18 Shtator 2024, 16:22, Sport CNA

34 penallti të gjuajtura, rekord i "çmendur" në Angli

Të martën u vendos një rekord, sa i përket numrit të gjuajtjeve të penalltive. Kur e gjithë vëmendja ishte në Ligën e Kampioneve, në Carabao Cup në Angli, ndodhi ajo që shumë pak e kishte menduar. Skuadra e Preston, eliminoi Fulhamin, pas penalltive.

E veçanta e këti takimi, është se prodhoi plot 17 seri nga penalltitë, si asnjëherë më parë. Skuadra e Preston triumfoi 16-15 pas 11-metërshave.

Fulhami vinte si favorit absolut në këtë takim, por fusha tregoi të kundërtën. Preston kaloi në avantazh me anë të Ledson në minutën e 35-të, por që Nelson barazoi shifrat në minutën e 60-të.

Rezultati nuk ndryshoi deri në fund të takimit dhe dy ekipet iu drejtuan penalltive.

Ajo që pasoi ishte një rekord absolut në Kupën Angleze, pasi u ekzekutuan plotë 34 penallti. U regjistruan 17 seri, dhe në fund Preston bëri një befasi dhe e eliminoi Fulhamin nga Carabao Cup.  

Në serinë e nëntë, dukej se penalltitë po mbaronin sepse Kuenka gaboi për Fulhemin humbi, por në anën tjetër ishte i pasaktë edhe Hayden, prandaj drama vazhdoi.

Në serinë e 17-të, Castagne e humbi penalltinë për Fulhamin, ndërsa Ledson shënoi për fitoren e madhe të Preston me rezultatin 16-15 në penallti dhe kalimin në 1/16 e Kupës.

Rekordin e mëparshëm e mbante një ndeshje nga sezoni 2014/2015, kur Liverpool mposhti skuadrën e Middlesborugh me rezultat 14-13.





Lajmet e fundit nga