web counter
LEXO PA REKLAMA!

SHKARKO APP

App Store
Google Play

E fundit!

x

Sneijder: Inter-i mund ta fitojë Champions-in, Lautaro është po aq i mirë sa Haaland

18 Shtator 2024, 15:55, Sport CNA
Sneijder: Inter-i mund ta fitojë Champions-in, Lautaro është po
Wesley Sneijder, Burimi: Football365

Ish-lojtari i Inter-it, Wesley Sneijder, ka dhënë një intervistë për mediet italiane, ku foli për ndeshjen e Champions League mes Manchester City-t dhe zikaltërve, që luhet mbrëmjen e kësaj të mërkure në orën 21:00.

Për holandezin, Inter-i ka po aq mundësi sa Manchester City dhe Real Madrid për të triumfuar në Champions League.

“Për mua, nuk janë domosdoshmërisht vetëm City dhe Real-i që e nisin mirë Champions-in edhe Inter-i im është. Skuadra ka një atmosferë të veçantë, mund të arrijë deri në gjysmëfinale dhe më tej. Sigurisht që në këtë kompeticion ka shumë të papritura, por të gjithë e dinë se ka përballje të vështira”-deklaroi ai.   

Teksa duke folur për Lautaro Martinez, Sneijder tha se është po aq i mirë sa Erling Haaland, pra një sulmues i madh i kësaj epoke. 

"Lautaro Martinez është po aq i mirë sa Haaland. Ai është po aq i mirë sa sulmuesit e tjerë të mëdhenj të kësaj epoke. Më gjeni një tjetër që di të shënojë në çdo mënyrë të mundshme. Fitorja si protagonist në kombëtaren e Argjentinës i ka dhënë atij një status tjetër, por edhe e ka lodhur pak, normale, thjesht duhet të gjejë sërish formën”, -përfundoi Sneijder./CNA





Lajmet e fundit nga