web counter
LEXO PA REKLAMA!

SHKARKO APP

App Store
Google Play

E fundit!

x

Përsëritet finalja e Stambollit/ Guardiola vlerëson Inter-in, Inzaghi: Nuk shkojmë për hakmarrje

18 Shtator 2024, 11:53, Sport CNA

Përsëritet finalja e Stambollit/ Guardiola vlerëson Inter-in,


Kjo e mërkurë rezervon përballjen mes Manchester City-t dhe Inter-it në Ligën e Kampioneve. Pas finales së Stambollit, dy ekipet rikthehen të luajnë sërish me njëra-tjetrën dhe synohet me çdo kusht fitorja.

Inter-i kërkon një lloj hakmarrje për atë humbje në finale, ndërsa City për ta nisur me këmbën e mbarë, kompeticionin ku shihet si një nga favoritët për të marrë trofeun.

Kampionët e Italisë vijnë në këtë përballje me dy mungesa të mëdha, siç janë ato të Frederiko Dimarco dhe Arnautovic. Sidomos mbrojtësi, i cili është një titullar i padiskutueshëm për trajnerin Inzagi.

Përballë është një nga sulmuesit më të frikshëm të momentit, Erling Haaland, i cili në katër ndeshjet e fundit numëron 9 gola të shënuar.

Në konferencën para ndeshjes, trajneri i anglezëve, Pep Guardiola, vlerësoi maksimalisht kundërshtarin, duke thënë se Inter-i është një skuadër më e fortë se ajo e një viti më parë.

“E dija se ata ishin të fortë një vit më parë dhe do të jenë të fortë nesër. Unë kam respekt për ta. Sigurisht që do të jetë një lojë ndryshe sepse një finale e Ligës së Kampionëve është ndryshe nga çdo lojë, por do të shohim. Inter-i është një ekip historik me një mentalitet të jashtëzakonshëm. Ata janë ndërtuar për të fituar çdo ndeshje dhe çdo garë. Fituan shumë vitin e kaluar, është shumë e ngjashme me ne.

Dinë të vuajnë. Ata janë të fortë në grup dhe kanë cilësi në formimin e lojës. Inter-i është një ekip i kompletuar. Nuk mund të fitosh ligën italiane apo të arrish një finale të Ligës së Kampionëve nëse nuk ke diçka të veçantë”, tha Guardiola.

Në krahun tjetër, trajneri i Inter-it, Simone Inzaghi, deklaroi se ndeshja ndaj City-t, nuk do të jetë një hakmarrje për humbjen në finalen e Stambollit.

“Ne do të përballemi me një ekip shumë të organizuar. Ata nuk kanë humbur në shtëpi prej vitesh. Ne e dimë se çfarë duhet të bëjmë. Jemi përgatitur për ndeshjen brenda një dite, por e dimë se çfarë duhet të bëjmë. Ne e dimë se do të kemi nevojë për një performancë të madhe. Djemtë janë të vetëdijshëm për këtë. Nuk mendoj se është hakmarrje sepse është një ndeshje e fazës së ligës. Nuk kam pendesë sepse ekipi im dha gjithçka në Stamboll. Është një kompeticion i ri, duhet të përgatitemi për tetë ndeshje të ndryshme. Do të jetë më kërkues, por është një format që me siguri do të funksionojë mirë. Ne duam të kemi një udhëtim të shkëlqyeshëm", deklaroi Inzaghi.

Ndeshja Manchester City-Inter do të luhet mbrëmjen e kësaj të mërkure, në orën 21:00.





Lajmet e fundit nga