web counter
LEXO PA REKLAMA!

SHKARKO APP

App Store
Google Play

Champions League/ Liverpool mposht Milanin, Bayern fiton 9-2. Real Madrid vuan ndaj Stuttgart

17 Shtator 2024, 23:08, Sport CNA

Champions League/ Liverpool mposht Milanin, Bayern fiton 9-2. Real Madrid vuan

Champions League, luajti katërt ndeshjet e fundit të kësaj të marte, ku nuk kishte surpriza.

Milani u mposht me përmbysje nga Liverpool, në një ndeshje të dominuar nga anglezët. Kuqezinjtë kaluan të parët në avantazh me Pulisic në minutën e 3-të, por miqtë, përmbysën gjithçka me golat e Konate, Van Dijk dhe Szoboszlai.

Bayern Munich regjistroi një fitore të thellë me rezultatin 9-2, ndaj Dinamo Zagreb. Harry Kane hapi festivalin e golave në minutën e 18-të, ndërsa Guerreiro në minutën e 33-të dhe Olise në minutën e 38-të, i dhanë avantazhin e trefishtë vendasve.

Pjesa e dytë nisi me dy gola të shpejtë të kroatëve, por kjo zgjati pak, pasi Bayern, shënoi edhe gjashtë herë të tjera. Kane ishte i papërmbajtshëm, duke shënuar tre herë të tjera, ndërsa golin e gjetën edhe Olise, Sane dhe Goretzka.

Real Madrid mposhti me vështirësi skuadrën e Stuttgart, me rezultatin 3-1. Pjesa e parë u mbyll me rrjeta të paprekura, ndërsa e dyta ishte spektakolare.

Mbappe zhbllokoi sfidën në minutën e 46-të, para se Undav të barazonte në minutën e 68-të. Golin e avantazhit për madrilenët e shënoi Rudiger në minutën e 83-të. Endrick vulosi fitoren e spanjollëve me një gol në minutën e 94-t. Në sfidën tjetër, Sporting Lisbona triumfoi 2-0 ndaj Lille.





Lajmet e fundit nga