web counter
LEXO PA REKLAMA!

SHKARKO APP

App Store
Google Play

Justifikimi i Hamilton-it: Makina po sillej çuditshëm, më solli probleme

17 Shtator 2024, 13:45, Sport CNA
Justifikimi i Hamilton-it: Makina po sillej çuditshëm, më solli
Lewis Hamilton, Formula 1

Lewis Hamilton ka pasur një sezon me shumë ulje-ngritje. Së fundmi ai ka arritur të fitojë dy gara, por nganjëherë zhduket nga harta dhe shihet se është shumë prapa asaj që duhet të ishte me Mercedes-in e tij.

Në garën e fundit në Baku, ishte një nga ato ditët ku britaniku nuk ia doli për të lënë gjurmë dhe më pas u përpoq të shpjegonte pse makina e tij po shkonte keq, duke bërë një krahasim me Fernando Alonson.

Shtatë herë kampioni i botës është në sezonin e tij te fundit me Mercedes-in, ndërsa Hamilton theksoi se makina e tij po sillej çuditshëm në Azerbajxhan.

“Makina kishte aq shumë probleme saqë në vend që të ecja pa probleme, më duhej të devijoja për ta bërë të shkonte mirë në të gjitha kthesat, sepse nuk hynte siç duhej. A ju kujtohet Fernando Alonso në kohën kur ai fitonte kampionatet, ky është stili i drejtimit të makinës që duhet të aplikoja në Baku dhe unë e bëra. Makina po sillej çuditshëm, por mendoj se do të rikthehemi të bëjmë mirë duke nisur nga Singapori”, -përfundoi britaniku.

Hamilton pozicionohet momentalisht në vendin e 6-të me 166 pikë duke lënë pas shokun e skuadrës, Russell me 143 pikë./CNA





Lajmet e fundit nga