web counter
LEXO PA REKLAMA!

SHKARKO APP

App Store
Google Play

Diferenca e Arne Slot nga Jurgen Klopp? E zbulon portieri Alisson

17 Shtator 2024, 11:33, Sport CNA
Diferenca e Arne Slot nga Jurgen Klopp? E zbulon portieri Alisson
Alisson Becker, Burimi: The Independent

Portieri i Liverpool-it, Alisson Becker, ka zbuluar se cili është ndryshimi më i madh i trajnerit të “The Reds”, Arne Slot nga ish-trajneri Jurgen Klopp.

Duke mos e harruar ndikimin e jashtëzakonshëm që Klopp pati gjatë periudhës që drejtoi Liverpool-in, braziliani shton se Slot ka sjellë një entuziazëm të madh dhe ide të reja në skuadër.

“Trajneri i ri ka ardhur me entuziazëm të madh, me ide të reja për futbollin. Nuk janë shumë ndryshe nga ajo që kemi bërë në të kaluarën, por Slot e do posedimin e topit, atij i pëlqen të krijojmë raste që nga mbrojtja, duke nisur madje nga unë, derisa të arrijmë së bashku tek porta tjetër”, -tha fillimisht 31-vjeçari.

Më tej, portieri shprehu optimizmin e tij sa i përket të ardhmes së Liverpool-it nën drejtimin e Arne Slot.

“Me ardhjen e tij ne të gjithë kemi qenë shumë entuziastë dhe mund të bëjmë një punë të mirë këtë sezon”, -përfundoi Alisson.

Në katër ndeshje nën drejtimin e Slot këtë sezon në Premier League, Liverpool numëron tri fitore dhe një humbje./ CNA

 

 

 





Lajmet e fundit nga