web counter
LEXO PA REKLAMA!

SHKARKO APP

App Store
Google Play

E fundit!

x

Skënderbeu rikthen dy futbollistë

8 Janar 2023, 15:44, Sport CNA

Skënderbeu bën goditjen e dytë në merkato dhe fuqizon mesin e fushës, duke rritur cilësinë dhe konkurrencën për pjesën e mbetur të sezonit. Agnaldo Moraesh mund të quhet zyrtarisht një lojtar i Skënderbeut, i rikthyer në Korçë pas gati gjashtë muajsh si pjesë e Kukësit.

Një afrim ky, që pritet të rrisë shumë cilësinë në mesin e fushës te korçarët, atje ku edhe mangësitë ishin më të mëdha sa i përket alternativave që kishin në dispozicion korçarët. Akordi mësohet të jetë arritur ditën e djeshme mes palëve.

Konfirmimi vjen edhe nga zyrtarët e klubit bardhekuq, të cilët e quajnë të mbyllur tashmë afrimin e brazilianit Moraesh te Skënderbeu. Kështu, shkon në dy numri i lojtarëve të rinj, që do të vihen në shërbim të trajnerit Ivan Gvozdenoviç për pjesën e mbetur të sezonit. Në kushte të tilla, afrimet e para te Skënderbeu mund të quhen dy rikthime, pasi si Randi Dumfur, ashtu edhe Agnaldo Moraesh janë lojtarë që e njohin mjaft mirë jo vetëm kampionatin shqiptar, por janë edhe njohës të mirë të ambientit të klubit, çka përbën një përparësi në ambientimin e tyre dhe shumë shpejt mund të jenë të gatshëm për trajnerin serb të korçarëve.

Me Moraesh të kryer tashmë dhe Randin që pritet të bashkohet sapo të pajiset me vizë pune në Shqipëri, numri i alternativave në mesin e fushës, por edhe cilësia e zgjedhjeve të trajnerit pëson rritje, duke i dhënë mundësi trajnerit të Skënderbeut të bëjë lëvizjet e duhura për pjesën e dytë të sezonit.





Lajmet e fundit nga