web counter
LEXO PA REKLAMA!

SHKARKO APP

App Store
Google Play

E fundit!

x

Skënderbeu dhe Pogradeci bëjnë detyrën, rezultatet në Kategorinë e Parë

23 Nëntor 2025, 15:27, Sport CNA

Skënderbeu dhe Pogradeci bëjnë detyrën, rezultatet në

Java e 12-të në Kategorinë e Parë, rezervoi përballje delikate dhe shumë të luftuara në fushën e lojës.

Skënderbeu fitoi me vështirësi ndaj Burrelit në transfertë me rezultatin 2-1. Korçarët e nisën shumë mirë ndeshjen, duke dominuar nga fillimi.

Pas vetëm 7-të minutave lojë, Kosta Vangjeli zhbllokoi takimin, duke u dhënë avantazhin juglindorëve.

Në minutën e 21-të, Musa dyfishoi shifrat për bardhekuqtë, duke krijuar idenë e një fitoreje të lehtë, por nuk ndodhi kështu.

Gjithçka u vështirësua në fundin e pjesës së parë, kur mbrojtësi i Skënderbeut, Luço Vaskez, u ndëshkua me karton të kuq, duke lënë miqtë me 10 lojtarë.

Burreli përfitoi nga superioriteti numerik dhe në minutën e 60-të, ngushtoi shifrat me Xhebrahimin. Megjithatë, pavarësisht tentativave, korçarët ia dolën të ruajnë avantazhin, për të marrë fitoren.

Me këtë sukses, Skënderbeu shkëputet në krye të renditjes me 31 pikë, ndërsa Burreli renditet në vendin e pestë me 16 pikë.

Me të njëjtin rezultat fitoi edhe Pogradeci ndaj Lushnjës, në stadiumin “Roza Haxhiu”. Goli i Ezekiel në pjesën e parë dhe Pere në pjesën e dytë, i dhanë 3 pikët liqenorëve, për ta bërë të pavlefshëm golin e Kuasi te vendasit.

Laçi shmangu humbjen vetëm në fund ndaj Ilirisë, duke barazuar 1-1 në shtëoi. Pjesa e parë u mbyll me rrjeta të paprekura, ndërsa në startin e së dytës miqtë gjetën avantazhin.

Në minutën e 55-të, ishte Sejdiu që shënoi dhe bëri të shpërthejë festa te Iliria. Megjithatë, kurbinasit nuk u dorëzuan dhe ia dolën të barazojnë me Traore në minutën e 89-të, për të marrë një pikë nga kjo përballje.

Me këtë barazim, Laçi mban vendin e dytë me 22 pikë, ndërsa Iliria renditet në vendin e katërt me 17 pikë.

Me të njëjtin rezultat barazoi edhe Korabi ndaj Luftëtarit.

Apolonia triumfoi 2-0 ndaj Kukësit, ndërsa dueli Kastrioti-Besa u shty për shkak të gjendjes së rënduar të fushës.

Standings provided by Sofascore




Lajmet e fundit nga