web counter
LEXO PA REKLAMA!

SHKARKO APP

App Store
Google Play

Verstappen feston në Las Vegas, skualifikohen pilotët e McLaren

23 Nëntor 2025, 13:58, Sport CNA

Verstappen feston në Las Vegas, skualifikohen pilotët e McLaren

Piloti i Red Bull, Max Verstappen regjistroi fitoren e gjashtë të sezonit dhe të 69-tën në karrierë, duke u shpallur fitues i Çmimit të Madh të Las Vegasit, një garë e cila solli zhvillime të rëndësishme si në aspektin sportiv, ashtu edhe në atë teknik.

Pas kontrollit përfundimtar, të dyja makinat e McLaren, ajo e Lando Norris dhe e Oscar Piastri, u skualifikuan për shkak të parregullsive teknike me trashësinë minimale të pllakës së poshtme të pasme, komponent që sipas rregullores duhet të jetë të paktën nëntë milimetra. Ky vendim ndryshoi ndjeshëm renditjen përfundimtare.

Në nisje, Norris pati një manovër agresive ndaj Verstappen, por gabimi i tij në frenim e lejoi holandezin të merrte sërish kryesimin. McLaren përfundoi garën në pozita të mira, ku Norris u rendit i dyti dhe Piastri i katërti, por skualifikimi i hapi rrugën Mercedes-it për një rezultat të dyfishtë në podium.

Geroge Rusell u ngjit në vendin e dytë, ndërsa Andrea Kimi Antoneli siguroi podiumin e tretë sezonal, duke lënë pas Charles Leclerc.

Për Ferrarin, gara ishte e vështirë. Leclerc u përfshi disa herë në duele me Sainz dhe Piastri, çka ndikoi në menaxhimin e gomave. Lewis Hamilton, i cili nisi nga pozita e fundit, arriti të rikuperojë terren dhe përfundoi në vendin e tetë.

Në renditjen e përgjithshme të pilotëve, Verstappen barazon Piastrin me 366 pikë, ndërsa Lando Norris mbetet në krye me 390 pikë dhe është i vetmi pretendent që mund të mbyllë matematikisht luftën për titull në garën e ardhshme në Katar.

Në renditjen e konstruktorëve, Mercedes përfiton tetë pikë ndaj Red Bull pas skualifikimit të McLaren dhe e çon në 40 diferencën për vendin e dytë. Ferrari mbetet në vendin e katërt me 378 pikë, duke humbur më tej terren ndaj rivalëve të saj direkt.





Lajmet e fundit nga