web counter
LEXO PA REKLAMA!

SHKARKO APP

App Store
Google Play

Dinamo dhe Elbasani ndajnë pikët në “Air Albania”

22 Nëntor 2025, 20:56, Sport CNA

Dinamo dhe Elbasani ndajnë pikët në “Air Albania”

Dinamo dhe Elbasani ndanë nga një pikë mes tyre, pas barazimit 1-1, në duelin e javës së 12-të në Superiore.

Siç edhe pritej, në “Air Albania” ishte një ndeshje e luftuar dhe me raste nga të dyja ekipet, por nuk prodhoi fitues.

Sfida nisi me Dinamon më kërkuese nga fillimi. Qefalija tentoi në dy raste, por nuk kishte saktësinë e duhur, duke gjuajtur jashtë kuadratit.

Nuk kishte saktësinë e duhur as Nani, tentativa e të cilit shkoi mbi traun e portës, në minutën e 21-të. Në momentin më të mirë të Dinamos, rrugën e rrjetës e gjeti Elbasani.

Në të parin rast të rrezikshëm, verdheblutë ia dolën të shënojnë me Tsague, i cili me portën e boshatisur nuk e kishte të vështirë, për ta dërguar topin në rrjetë.

Dinamo tentoi të reagojë me Ferrukun, i cili gaboi në tentativën e parë, por pak minuta më vonë, fitoi penallti, pas një kontakti me portierin Janaccek.

Nga pika e 11 metërshit, Dejvi Brgu nuk gaboi, për të barazuar shifrat në 1-1, pjesa e parë u mbyll me këtë rezultat, ndërsa e dyta nisi me Elbasanin më kërkues.

Miqtë iu afruan golit me dy tentativa të Dialo dhe Olberkis, por u ndalën nga lojtarët vendas.

Minutat e mbetura ishin të qeta dhe pa raste të pastra në të dyja portat.

Me këtë barazim, Ebasani merr kryesimin me 24 pikë, në pritje të ndeshjeve të tjera. Dinamo mban vendin e katërt në renditje, me 19 pikë të grumbulluara në 12 javë.

 





Lajmet e fundit nga