web counter
LEXO PA REKLAMA!

SHKARKO APP

Dy supergola, Juventus dhe Fiorentina ndajnë pikët

22 Nëntor 2025, 20:37, Sport CNA

Dy supergola, Juventus dhe Fiorentina ndajnë pikët

Juventusi dhe Fiorentina ndanë nga një pikë mes tyre, pas barazimit 1-1 në “Artemio Franki”.

Në minutën e 35-të, Juventus pati rastin më të mirë të pjesës së parë, kur Vlahoviç u gjend i vetëm përballë portierit De Gea, e kaloi atë, por u ndalua në momentin vendimtar nga ndërhyrja e Pongracic. Presioni i bardhezinjve u shpërblye në sekondat e fundit të shtesës së pjesës së parë, kur Kostiç goditi fort nga distanca dhe shënoi në portën e Fiorentinës, me De Gea-n që nuk arriti të devijonte trajektoren e topit.

Në fillim të pjesës së dytë,  vendasit barzuan shifrat. Vetëm tre minuta pas rifillimit, Mandragora gjeti golin e barazimit me një goditje të fuqishme nga distanca, që u ndal në trekëndëshin e portës së mbrojtur nga Di Gregorio. 

Me kalimin e minutave, ritmi i takimit u ul për shkak të ndërrimeve të shumta nga të dyja skuadrat. 

Takimi u mbyll me ndarjen e pikëve, rezultat që nuk i shërben as Juventusit që qëndron në vendin e gjashtë me 20 pikë, as Fiorentinës që mbetet në fund të renditjes me 6 pikë.





Lajmet e fundit nga