Skëndërbeu barazoi me Kukësin/ Gvozdenoviç: I meritojmë kritikat

1 Dhjetor 2023, 21:38, Sport CNA

Skëndërbeu barazoi me Kukësin/ Gvozdenoviç: I

Trajneri i Skënderbeut, Ivan Gvozdenoviç

Ditën e nesërme, në stadiumin Skënderbeu do të luhet ndeshja e radhës kundër ekipit të Erzenit.

Në konferencën për mediat, trajneri i Skënderbeut Ivan Gvozdenoviç ka komentuar fillimisht ndeshjen me Kukësin që u nda në barazim ndonëse në pjesën e parë, Skënderbeu ishte në avantazh me dy gola të shënuar nga Lika. Një ndeshje shumë e komentuar nga analistët sportivë, ndërsa edhe trajneri i bardh e kuqve është shprehur se kritikat e bëra qëndrojnë për pjesën e dytë.

"Për ndeshjen me Kukësin nuk ishim mirë dhe as të kënaqur, ishim shumë dobët në pjesën e dytë. E bëmë dje analizën e ndeshjes dhe mendojmë për ndeshjen e radhës me Erzenin. Me Kukësin meritojmë kritikat për pjesëm e dytë, por kishim edhe gjëra pozitive. Kemi përgjegjësi edhe ne si staf, por edhe lojtarët për menaxhimin dhe përqëndrimin, i cili ishte problem. Në pjesën e parë ishim shumë mirë ndërsa pjesën e dytë shumë keq dhe kjo nuk është mirë për një skuader si Skënderbeu. Siç e thashë meritojmë kritika për pjesën e dytë por këtë e lamë pas dhe nuk kemi shumë kohë për të menduar cfarë kaloi, por duhet të shohim përpara."

Diferenca e pikëve sjell edhe presion të lojtarëve të Skënderbeut, pasi ndahen vetëm me 3 pikë nga vendi i shtatë i superiores. Lojtarët që kanë luajtur gjatë ndeshjeve të fundit, janë përzgjedhur edhe nga pankina dhe kjo tregon se nuk ka formacion të parë ose të dytë, por vetëm një skuadër. Gvozdenoviç tregon lojtarët e pankinës që kanë luajtur shumë mirë për ekipin korçar.

"Jemi në vendin e katërt dhe jemi pak më të qetë. Nëse shohim diferencën e pikëve nga vendi i katërt dhe vendit të shtatë jemi vetëm tre pikë dhe çdo javë për ne është si finale. Mendojmë vetëm për pikët, kemi nevojë për to sepse janë edhe katër ndeshje që të përfindojë faza e dytë. Pecani nuk është i dëmtuar, është lojtar i mire, por kemi 25 lojtarë dhe kemi parë që të aktivizojmë të gjithë lojtarët. Për momentin Pecani është në pankinë. Ai ka qenë disa ndeshje jashtë lojës, por ne nuk shohim vetëm një lojtar, por shohim të gjithë grupin dhe rezultatet. Nëse flasim për statistikat e lojtarëve nga pankina kemi Ergin i cili në ndeshjen e fundit luajti shumë mirë, Franklin i cili ishte në formacion kundër Teutës, Lika po ashtu lojtar nga pankina luan kundër Kukësit shumë mirë. Këtu lojtarët kuptojnë që nuk kemi skuadër të parë apo të dytë, kemi vetëm ekipin e Skënderbeut dhe do të mendojmë më të mirën për skuadrën."

Ndeshja e së shtunës do të zhvillohet në orën 17:00 në stadiumin e Korçës. Në këtë javë të 15-të, Skënderbeu mban vendin e katërt në renditje me 18 pikë, ndërsa Erzëni renditet në vendin e shtatë me 16 pikë./ CNA