web counter
LEXO PA REKLAMA!

SHKARKO APP

App Store
Google Play

Simeone: I lumtur për Gallagher dhe Alvarez, kemi ende nevojë për punë

16 Shtator 2024, 11:58, Sport CNA
Simeone: I lumtur për Gallagher dhe Alvarez, kemi ende nevojë për
Diego Simeone, trajneri i Atletico Madrid

Atletico Madrid triumfoi 3-0 ndaj Valencia-s këtë fundjavë, duke prekur kuotën e 11 pikëve në kampionat pas pesë takimeve të para.

Një sukses që u vulos nga dy afrimet e bujshme të verës, Conor Gallagher dhe Julian Alvarez, ndërsa rrjetën e gjeti edhe Griezmann.

Mesfushori anglez shënoi golin e parë të takimit, ndërsa Alvarez realizoi në fund, në kohën shtesë duke u bërë lojtari i 14-të argjentinas që shënon për Atletico-n në La Liga gjatë këtij shekulli.

Në konferencën për mediat, Simeone u shpreh shumë i lumtur që të dy lojtarët realizuan, duke i vlerësuar për punën e bërë deri më tani.

“Jam i lumtur për Gallagher dhe Alvarez. Conor erdhi me shumë entuziazëm dhe ne kishim nevojë për atë një lojtar si ai në mesfushë. Ai jep gjithmonë më të mirën dhe ndihmon vazhdimisht skuadrën. Alvarez? Ne të gjithë kishim nevojë që ai të shënonte një gol, që ai të ishte më i qetë, të lidhej me atë që i pëlqen. Ai jeton për golin ndaj Valencia-s u shfaq si gjithmonë në momentin më pak të pritur në fund të lojës kur shpresa duket se po shuhet dhe, për fat, ai shënoi”, – tha Simeone./CNA





Lajmet e fundit nga