web counter
LEXO PA REKLAMA!

SHKARKO APP

App Store
Google Play

E fundit!

x

"Paqe" në derbin e shqiptarëve, nuk ka fitues në Shkupi-Shkëndija

15 Shtator 2024, 17:50, Sport CNA

"Paqe" në derbin e shqiptarëve, nuk ka fitues në

Nuk prodhoi fitues derbi shqiptar në Maqedoninë e Veriut, mes Shkupit dhe Shkëndijës. Sfida e vlefshme për javën e pestë, u mbyll në barazim 1-1.

Një ndeshje e bukur dhe spektakolare deri në fund, me dy ekipet që u detyruan të ndajnë nga një pikë.
Shkupi ishte më kërkues nga fillimi dhe në minutën e 5-të, pretenduan për penallti në zonë, por ndërhyrja e Cakes, u konsiderua e rregullt nga arbitri i ndeshjes.

Në minutën e 10-të, Gueje kishte një mundësi të artë për të shënuar, por gjuajtja e tij me kokë, shkoi në duart e portierit të Shkëndijës.

Pas tentativave të pasuksesshme, sfida u zhbllokua në minutën e 45-të. Japonezi Kanda, përfitoi nga një top i mbetur në zonë dhe me të majtën, e ndali në rrjetë, duke bërë që të shpërthejë festa në stadiumin e Çairit.
Pjesa e parë u mbyll me këtë rezultat, ndërsa e dyta ishte një tjetër histori. Kuqezinjtë e Tetovës, ishin më kërkues dhe gjetën barazimin në minutën e 60-të.

Klinsman Cake, i harruar në zonë, gjuajti bukur me të djathtën dhe vendosi baraspeshën, duke bërë që të pllakosë heshtja nga stadium. Tetovarët i shkuan shumë afër përmbysjes së madhe, teksa në minutën e 84-t, Ramadani pa gjuajtjen e tij të ndalej nga shtylla. Në vazhdim të aksionit, Latifi nuk përfitoi si duhet dhe gjuajti jashtë kuadratit të portës.

Ky barazim, e mban Shkëndijën në vendin e parë me 11 pikë, ndërsa Shkupi renditet në vendin e shtatë me 5 pikë të grumbulluara.





Lajmet e fundit nga