web counter
LEXO PA REKLAMA!

SHKARKO APP

App Store
Google Play

Piastri triumfon në Çmimin e Madh të Azerbajxhanit, podiumi plotësohet nga Leclerc dhe Russell

15 Shtator 2024, 14:52, Sport CNA
Piastri triumfon në Çmimin e Madh të Azerbajxhanit, podiumi
Piastri dhe Leclerc, Burimi: RacingNews365

Oscar Piastri bën mrekullinë Çmimin e madh të Azerbajxhanit, me pilotin australian që triumfoi, duke marrë fitoren e dytë të sezonit, por edhe të karrierës së tij.

Në Baku, gara prodhoi shumë emocione, parakalime pafund, por edhe aksidentet nuk munguan.

Piastri i mori vendin e parë pilotit të Ferrarit, Leclerc dhe jo vetëm, pasi australiani u mbrojt mjaft mirë edhe pse qëndroi për shumë xhiro nën presion dhe Charles e mbylli në vendin e dytë duke mos arritur suksesin në Azerbajxhan.

Emocionet u shtuan dy xhiro nga fundi, Leclerc humbi forcën dhe Perez provoi t'i rrëmbente vendin e dytë, por në fund, në manovrën e parakalimit ndaj monegaskut u përplas me Sainz, në një aksident që solli kaos si te Ferrari dhe te RedBull.

Nga ky aksident përfitoi Russell që u ngjit në podium, teksa në vendin e katërt u pozicionua Norris, me britanikun që gjithashtu vuajti jo pak në këtë fundjavë.

Garë për t'u harruar për Verstappen që u rendit i pesti, teksa vetëm vendi gjashtë për Alonso-n, që la pas Albon.

Fundjavë për t’u kujtuar kjo për Colapinto-n, me argjentinasin që mori pikë për skuderin Williams në garën debutuese me vendin e nëntë.

Fitore karakteri për Piastri-n që shkon në kuotën e 222 pikëve në vendin e katërt, ndërsa klasifikimi kryesohet sërish nga Verstappen me 313 pikë, i ndjekur nga Norris me 254 pikë dhe në podium është edhe Leclerc me 235 pikë.

Sukses i jashtëzakonshëm për McLaren, që tani kryeson renditjen për konstruktorë, me makinën që prek kuotën e 476 pikëve duke parakaluar RedBull-in që zbret në vendin e dytë me 456 pikë, ndërsa në vendin e tretë pozicionohet Ferrari me 425 pikë./CNA

 

 





Lajmet e fundit nga