web counter
LEXO PA REKLAMA!

SHKARKO APP

App Store
Google Play

Gattuso është i veçantë, dhuron 35 “I Phone 16” për skuadrën pas fitores me Dinamo Zagreb

15 Shtator 2024, 14:15, Sport CNA

Gattuso është i veçantë, dhuron 35 “I Phone

Aventura e Gennaro Gattuso-s te kroatët e Hajduk Split nisi me vështirësi të mëdha. Skuadra u eliminua fillimisht në kualifikueset e Conference League, më pas shpërthyen përplasjet, që sollën largimin e drejto Nikola Kalinic, njeriu që kishte zgjedhur atë dhe futbollistit Ivan Perisic që përfundoi jashtë skuadrës.

Megjithatë, italiani nuk u dorëzua për asnjë moment dhe tani po merr shpërblimet e para. Skuadra e tij kryeson kampionatin në Kroaci, së bashku me Rijekën dhe ende nuk njeh humbje, pasi në gjashtë javët e para, numëron 4 fitore dhe 2 barazime.

Një moment historik që Gattuso, i cili nuk është i panjohur për sjelljen bujare ndaj lojtarëve dhe stafit në karrierën e tij, donte ta festonte duke shpenzuar rreth 40 mijë euro për t'u dhënë të gjithëve plot 35 "iPhone 16", modeli më i fundit i lançuar nga kompania përkatëse.

Gjesti i ish-mesfushorit italian erdhi pas fitores minimale në transfertë ndaj rivalëve të mëdhenj Dinamo Zagreb.

Gattuso njihet si njeri bujar dhe këtë e ka treguar në karrierën e tij si trajner.

Në vitin 2014 kur ishte trajner në Greqi, tek Ofi i Kretës, pas dorëheqjes vendosi të paguante personalisht rrogat e lojtarëve, ndërsa në vitin 2019, kur i dha lamtumirën Milanit, refuzoi pagesën e largimit për të lejuar të gjithë pagesën e 24 muajve të stafit të tij.

Në Piza në periudhën dyvjeçare 2015-2017 bleu kuti me ujë për lojtarët e tij, ndërsa në Napoli, gjatë valës së parë të Covid-it, zgjodhi të hiqte dorë nga paga për të lejuar klubin të paguante stafin dhe punonjësit e magazinës. Tani edhe në Kroaci e njohin bujarinë e Rinos dhe në ditët në vijim çdo lojtar dhe staf do të marrë dhuratën e çmuar.





Lajmet e fundit nga