web counter
LEXO PA REKLAMA!

SHKARKO APP

App Store
Google Play

Derbi Londrës vendoset nga një brazilian, Arsenal mposht minimalisht Tottenham-in

15 Shtator 2024, 17:00, Sport CNA
Derbi Londrës vendoset nga një brazilian, Arsenal mposht minimalisht
Arsenal, Burimi: Flashscore

Arsenal triumfoi në derbin e Londrës përballë Tottenham me rezultatin 0-1, me sfidën që ishte maksimalisht e luftuar dhe në fund iu fal golit të brazilianit Gabriel.

Mikel Arteta zbriti në këtë përballje me shumë mungesa, por vendasit nuk përfituan.

Pjesa e parë u mbyll me rrjeta të paprekura, me fraksionin që ishte i ekuilibruar, me skuadrat që gjithashtu u shfaqën edhe agresive ku u regjistruan 7 kartonë të verdhë, ndërsa nuk munguan edhe gabimet.

Si vendasit ashtu edhe "The Gunners" krijuan rastet e tyre respektive, por vuajtën mungesën e finalizimit.

Ashtu si pjesa e parë edhe fraksioni i dytë nisi me te dyja ekipet kërkuese, ndërsa në minutën e 64-të, Gabriel kaloi në avantazh Arsenal-in, me mbrojtësin që përfitoi në maksimum pas një goditjeje nga këndi.

0-1 dhe Tottenham provoi të reagonte, me "Spurs" që edhe me emra si Odobert, Werner apo edhe Son nuk ia doli dhe gjithçka rezultoi mision i pamundur, pasi "topçinjtë" mirëadministruan gjithçka.

Ndërkohë në këtë ndeshje për shkak të mungesave të shumta, trajneri Arteta kishte në stol edhe talentin shqiptar të akademisë, Maldini Kacurri.

Tottenham pëson kështu humbjen e dytë radhazi dhe sezonale, teksa mbetet me 4 pikë, ndërsa Arsenal merr suksesin e tretë sezonal dhe shkon në kuotën e 10 pikëve./CNA 





Lajmet e fundit nga