web counter
LEXO PA REKLAMA!

SHKARKO APP

App Store
Google Play

Shqipëria e vajzave bind ndaj Turqisë në miqësore

28 Nëntor 2025, 15:40, Sport CNA

Shqipëria e vajzave bind ndaj Turqisë në miqësore

Shqipëria e vajzave barazoi 1–1 ndeshjen e parë miqësore ndaj Turqisë. Në takimin e zhvilluar sot më 28 nëntor, golin për skuadrën tonë e shënoi Alma Hilaj.

Përfaqësuesja shqiptare zhvilloi një pjesë të parë shumë të mirë, duke mbrojtur saktë, duke sulmuar me shpejtësi dhe duke treguar qarkullim të pastër të topit. Vajzat kuqezi u shfaqën më të shpejta dhe më të organizuara se vendaset, të cilat e patën të vështirë të gjenin hapësira për shkak të lojës kompakte të skuadrës sonë.

Ekipi i drejtuar nga Grima, kaloi shpejt në avantazh, në minutën e 20-të. Pas një krosimi të Megi Doçit në zonë, qendërmbrojtësja Alma Hilaj u gjend saktë dhe shënoi me kokë, duke i dhënë epërsinë Shqipërisë. Edhe pas golit, skuadra vazhdoi të krijonte mundësi të mira në sulm, por nuk arriti të gjejë sërish rrjetën. Pjesa e parë u mbyll 0–1 në favorin tonë.

Me nisjen e pjesës së dytë, Turqia gjeti golin e barazimit në minutën e 50-të, falë një goditjeje të fortë nga jashtë zone të numrit 10, Ebru Topçu. Vendaset u shfaqën më kërkuese në këtë fraksion, duke u afruar disa herë rrezikshëm pranë zonës sonë dhe duke kërcënuar portën.

Edhe Shqipëria, pati momente të mira në lojë gjatë pjesës së dytë, por disa faulle të dukshme nuk iu akorduan, duke ndikuar në ritmin dhe zhvillimin e aksioneve.

Në minutat e fundit Shqipëria kishte pretendime për një penallti, pasi Krasniqi depërtoi në zonë dhe u pengua qartë, por arbitrja kryesore nuk reagoi dhe vendosi të mos fishkëllejë. Ndeshja u mbyll me rezultatin 1-1.

Shqipëria e vajzave do të luajë një tjetër miqësore ndaj Turqisë të hënën me 1 dhjetor në orën 14:00 në stadiumin “Yusuf Ziya Onis”.





Lajmet e fundit nga