web counter
LEXO PA REKLAMA!

SHKARKO APP

App Store
Google Play

Shorti i Botërorit, Shqipëria dhe Kosova mësojnë vazon nëse kualifikohen

25 Nëntor 2025, 19:33, Sport CNA

Shorti i Botërorit, Shqipëria dhe Kosova mësojnë vazon

FIFA ka publikuar procedurat zyrtare të shortit për Kupën e Botës 2026, duke konfirmuar disa risi të rëndësishme që ndikojnë drejtpërdrejt shpërndarjen e ekipeve më të renditura në turne.

Për herë të parë në historinë e Botërorit, katër kombëtaret kryesuese të renditjes nuk do të kenë mundësi të përballen mes tyre deri në fazën e gjysmëfinaleve, me kusht që secila prej tyre të fitojë grupin që do t’i takojë.

Spanja, e renditur si ekipi i parë, dhe Argjentina si e dyta, janë “çiftuar” dhe do të vendosen automatikisht në kahe të kundërta të shortit. E njëjta procedurë do të zbatohet për Francën, të renditur e treta, dhe Anglinë, të renditur e katërta, të cilat do të jenë në pjesë të kundërta të tabelës së eliminimit direkt.

Kjo skemë, e ngjashme me atë që përdoret në turnetë e tenisit apo në formatin e ri të Champions Ligës, ka si synim të shmangë përballjet e hershme mes ekipeve të vlerësuara si më të fortat. Në këtë mënyrë, FIFA kërkon të sigurojë që kombinacionet më të rëndësishme dhe potencialisht më të ndjekura të ndodhin në fazat e avancuara të kompeticionit.

FIFA ka konfirmuar gjithashtu ndarjen përfundimtare të skuadrave në katër vazo për shortin që do të hidhet më 5 dhjetor. Gjashtë skuadrat që pritet të dalin nga play-off-et, ku bëjnë pjesë Shqipërisa dhe Kosova, janë vendosur në vazon e katërt.

NDARJA E VAZOVE


Vazo 1: Kanada, Meksikë, SHBA, Spanjë, Argjentinë, Francë, Angli, Brazil, Portugali, Holandë, Belgjikë, Gjermani.

Vazo 2: Kroaci, Marok, Kolumbi, Uruguai, Zvicër, Japoni, Senegal, Iran, Koreja e Jugut, Ekuador, Austri, Australi.

Vazo 3: Norvegji, Panama, Egjipt, Algjeri, Skoci, Paraguai, Tunizi, Bregu i Fildishtë, Uzbekistan, Katar, Arabi Saudite, Afrika e Jugut.

Vazo 4: Jordani, Kepi i Gjelbër, Gana, Kuraçao, Haiti, Zelanda e Re, Fituesi i “play off” europian A, B, C dhe D, Fituesi i “play off” ndërkontinental 1 dhe 2.

Shorti i Botërorit, Shqipëria dhe Kosova mësojnë vazon





Lajmet e fundit nga