web counter
LEXO PA REKLAMA!

SHKARKO APP

App Store
Google Play

E fundit!

x

Sherri në Erzeni-Partizani, e pësojnë katër lojtarë

17 Prill 2024, 14:00, Sport CNA

 

Sherri në fundin e ndeshjes së 21-vjeçarëve, mes Erzenit dhe Partizanit, i ka kushtuar shtrenjtë katër futbollistëve, të dy ekipeve.

Policia, ka njoftuar ditën e sotme, së katër lojtarë janë proceduar penalisht, për konfliktin në fushë dhe problemet e krijuara në dhomat e zhveshjes.

NJOFIMI I POLICISË:

U konfliktuan fizikisht dhe dëmtuan ambientet e dhomave të zhveshjes, pas përfundimit të ndeshjes së futbollit “Erzeni-Partizani”, procedohen penalisht 4 lojtarë të 2 ekipeve të kategorisë U-21.

Në përfundim të veprimeve procedurale të kryera për konfliktin e ndodhur ditën e djeshme, rreth orës 14:00, ndërmjet lojtarëve të ekipeve të kategorisë U-21, “Erzeni” dhe “Partizani”, pas përfundimit të ndeshjes së futbollit ndërmjet tyre, në fushën sportive "Tofik Jashari" (aktivitet për të cilin nuk ishte njoftuar Policia), ju informojmë se:

Shërbimet e Komisariatit të Policisë Shijak kanë referuar materialet në Prokurori, ku ka nisur procedimi në gjendje të lirë, për veprat penale "Plagosja e lehtë me dashje", "Dëmtime të tjera me dashje", "Shkatërrimi i pronës" dhe "Prishja e qetësisë publike", për 4 lojtarë të 2 ekipeve të futbollit, konkretisht shtetasit J. H., 20 vjeç, R. Ç., 20 vjeç, J. S., 18 vjeç dhe M. D., 22 vjeç.

Pas përfundimit të ndeshjes, këta shtetas janë konfliktuar fizikisht me njëri-tjetrin dhe kanë dëmtuar ambientet e dhomave të zhveshjes.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.





Lajmet e fundit nga