web counter
LEXO PA REKLAMA!

SHKARKO APP

App Store
Google Play

E fundit!

x

Ronaldo synon të blejë klubin e njohur, zbulohet kushti

6 Prill 2025, 18:34, Sport CNA

Ronaldo synon të blejë klubin e njohur, zbulohet kushti

Cristiano Ronaldo, vazhdon të jetë në qendër të vëmendjes, jo vetëm për performancat e tij në fushë, por edhe për hapat qëmund të ndjekë jashtë saj. Ndërkohë që karriera e tij si futbollist po i afrohet fundit, një gjë duket e sigurt: lidhja e tij me futbollin nuk do të ndërpritet me mbylljen e karrierës aktive.

Sipas raportimeve nga media të ndryshme spanjolle, e veçanërisht nga e përditshmja katalanase “Mundo Deportivo”, Ronaldo ka shfaqur një interes serioz për të blerë aksione të klubit të njohur spanjoll, Valencias. 

Në këtë iniciativë ambicioze, Ronaldo nuk është i vetëm. Thuhet se në prapaskenë po vepron Princi saudit Mohamed bin Salman, një figurë shumë e fuqishme në arenën ndërkombëtare, i cili mund ta ndihmojë Ronaldon me investimin financiar të nevojshëm për të marrë kontrollin e klubit. Valencia është një emër i madh në futbollin spanjoll, me histori të pasur dhe një bazë të zjarrtë tifozësh, por vitet e fundit kanë qenë të mbushura me kriza financiare, vendime të diskutueshme drejtuese dhe mungesë suksesi në fushë.

Ronaldo është i qartë në kërkesën e tij. Qëndrimi i Valencias në La Liga është parakusht për të avancuar bisedimet për blerjen e klubit. Kjo tregon qartë që ai nuk dëshiron të investojë në një skuadër që mund të përfundojë në një kategori më të ulët, çka do të ndikonte ndjeshëm në vlerën dhe potencialin e klubit. Për këtë arsye, vendimi përfundimtar i Ronaldos do të merret vetëm pas përfundimit të sezonit, kur të jetë e qartë nëse Valencia do të ruajë statusin elitar.

 





Lajmet e fundit nga