web counter
LEXO PA REKLAMA!

SHKARKO APP

App Store
Google Play

E fundit!

x

Derbi i fundit i sezonit, Tirana-Partizani në shifra

6 Prill 2025, 16:21, Sport CNA

Derbi i fundit i sezonit, Tirana-Partizani në shifra

Të Hënën, në orën 20:00, në “Arenën Kombëtare”, kryeqyteti do të presë një nga përballjet më të zjarrta të futbollit shqiptar, derbin mes Tiranës dhe Partizanit. 

Kjo sfidë, e fundit për këtë sezon, pritet të dhurojë emocione të forta dhe një spektakël të vërtetë për tifozët e të dyja skuadrave.

Partizani, që ndodhet në vendin e katërt, synon të sigurojë një pozicion në ‘Final Four’, ndërsa Tirana do të kërkojë të tregojë vlerat e saj në këtë përballje prestigjioze.

Statistikat e ekipeve flasin për një ndeshje të hapur dhe me gola. Partizani ka golavarazhin 35 me 29, ndërsa Tirana ka golavarazh37 me 42.

Në këtë sfidë pritet që protagonistët kryesorë të jenë golashënuesit më të mirë të secilës skuadër. Për Tiranën, sulmuesi Zharmuni ka realizuar 10 gola këtë sezon, ndërsa për Partizanin, Bintsuka ka shënuar 6 herë.

Një tjetër element interesant i këtij derbi është prezenca e talenteve të rinj në fushë. Emiljano Mihana dhe Serxho Vogli, të dy 17-vjeçarë, janë ndër lojtarët më të rinj të këtij edicioni dhe pjesë e Kombëtareve të moshave, duke pasur një mundësi të artë për të treguar aftësitë e tyre në këtë sfidë të madhe.

Të dyja skuadrat kanë pasur në dispozicion nga 37 lojtarë gjatë këtij sezoni. Te Tirana janë aktivizuar 29 prej tyre, ndërsa te Partizani 32. 

Ky do të jetë derbi i parë i këtij sezoni për trajnerin e ri të Partizanit, Skënder Gega, ndërsa për teknikun e Tiranës, BlediShkëmbi, do të jetë i treti. Tre sfidat e para të këtij sezoni janë mbyllur në barazim dhe mbetet të shihet se si do të përfundojë derbi i katërt sezonal.

Tirana-Partizani nuk është thjesht një ndeshje, por një traditë e madhe e futbollit shqiptar. Me atmosferën elektrizuese që pritet në stadium dhe rivalitetin historik mes dy klubeve, ky derbi do të jetë një mbrëmje për t’u shijuar nga të gjithë tifozët e futbollit.





Lajmet e fundit nga