web counter
LEXO PA REKLAMA!

SHKARKO APP

App Store
Google Play

E fundit!

x

Drejt largimit nga Turqia, Mourinhos i del emri te kombëtarja e madhe

4 Prill 2025, 19:51, Sport CNA

Drejt largimit nga Turqia, Mourinhos i del emri te kombëtarja e madhe

Jose Mourinhon mund të shohim për herë të parë në stolin e një kombëtareje. Trajneri portugez është përfshirë në listën e shkurtër me 3 kandidatë për të marrë drejtimin e Brazilit, një detyrë që do të shënonte një faqe të re jo vetëm për Mourinho, por për vetë futbollin brazilian.

“The Special One” ka shprehur disa herë dëshirën për të provuar veten si trajner kombëtareje, dhe Brazili mund të jetë rasti më i madh i karrierës së tij për të ndërtuar një trashëgimi të re jashtë futbollit të klubeve. Për të, kjo do të ishte një mundësi unike për të lënë gjurmë në një prej kombëtareve më legjendare, në një vend ku futbolli nuk është thjesht sport, por fe.

Me eksperiencën e tij të pasur, aftësinë për të menaxhuar yje dhe për të fituar trofe nën presion ekstrem, Mourinho mund të jetë pikërisht ajo figurë karizmatike dhe taktike që Brazili kërkon për të rikthyer lavdinë në një epokë të re.

Portugezi aktualisht është në stolin e Fenerbahçes në Turqi. Marrëdhënia e tij me ambientin turk ka qenë shpeshherë e tensionuar për shkak të deklaratave të drejtpërdrejta dhe stilit të tij unik, dhe ka shumë gjasa që portugezi të largohet në fund të sezonit.





Lajmet e fundit nga