web counter
LEXO PA REKLAMA!

SHKARKO APP

App Store
Google Play

E fundit!

x

Real-i sfidon Milan-in, Ancelotti i pikëlluar: Nuk duam të luajmë, por na detyrojnë

4 Nëntor 2024, 13:47, Sport CNA

Real-i sfidon Milan-in, Ancelotti i pikëlluar: Nuk duam të

Trajneri i Real Madrid, Carlo Ancelotti, u shfaq i mërzitur në konferencë për shtyp, në prag të ndeshjes me Milan-in, në Champions League.

Tekniku italian deklaroi se të gjithë janë të pikëlluar për tragjedinë e përmbytjeve në Valencia. Sipas tij, futbolli është festë, por nuk mund të festohet kur njerëzit po vuajnë.

Ancelotti deklaroi se ata nuk duan ta luajnë ndeshjen për shkak të situatës, por janë të detyruar ta bëjnë.

“'Topi i Artë'? I përket së kaluarës, unë e fitova më 1 qershor me Champions League. Fatmirësisht ne patëm kohë për t'u përgatitur për ndeshjen dhe Vinicius është mirë.

Ai është i trishtuar si të gjithë ne, ama jo për 'Topin e Artë', por për tragjedinë në Valencia. Jemi të trishtuar për atë që ndodhi në Spanjë. E gjithë bota e futbollit ishte e qartë dhe nuk donim të luanim. Megjithatë, ne duhet të respektojmë atë që na kërkohet të bëjmë.

Futbolli është festë dhe nuk mund të festosh nëse njerëzit rreth teje nuk janë mirë. Për mua ne duhet të mos luajmë, por nuk jemi komandantët dhe për këtë arsye ne përshtatemi. Nuk kemi fjalë për këtë. Fuqia jonë është zero”, deklaroi Ancelotti.

Ndeshja Real Madrid-Milan, do të luhet të martën në orën 21:00.





Lajmet e fundit nga