web counter
LEXO PA REKLAMA!

SHKARKO APP

App Store
Google Play

FOTO/ Po shkëlqen në Itali, portieri i Kombëtares në formacionin më të mirë të javës

30 Nëntor -1, 00:00, Sport CNA
FOTO/ Po shkëlqen në Itali, portieri i Kombëtares në
Kombetarja

Portieri i kombëtares shqiptare të futbollit, Elhan Kastrati, po kalon një moment të mirë me Cittadella-n në Serie B.

Gardiani kuqezi ishte lojtari më i mirë i sfidës Palermo-Cittadella, të cilën miqtë e fituan me rezultatin 0-1, takim për llogari të javës së 12-të të Serie B.

Kastrati kishte një meritë të madhe në këtë takim, ndërsa i priti të gjitha goditjet e skuadrës kundërshtare në portën e tij.

Shqiptari ishte një nga lojtarët më të vlerësuar jo vetëm të kësaj ndeshjeje, por edhe mes më të mirëve të javës së 12-të të Serie B.

Sajti i specializuar i statistikave “sofascore” e përfshiu portierin kuqezi në formacinon më të mirë të raundit, teksa e vlerësoi me notën 8.4.

Cittadella po kalon një sezon të vështirë, pasi mban vendin e 17-të të Serie B, megjithatë që nga momenti kur Kastrati është kthyer nga dëmtimi gjërat kanë ndryshuar disi.

Nga shtatë ndeshje, në katër prej tyre 27-vjeçari ka mbajtur portën të paprekur, gjë që tregon formën e mirë të tij.

Një lajm shumë i mirë ky për trajnerin e Kombëtares shqiptare, Sylvinho-n, në prag të ndeshjeve të Ligës së Kombeve, me Shqipërinë që më 16 nëntor do përballet me Çekinë, teksa më 19 nëntor me Ukrainën, të dyja takime që do zhvillohen në “Air Albania”./CNA

FOTO/ Po shkëlqen në Itali, portieri i Kombëtares në





Lajmet e fundit nga