web counter
LEXO PA REKLAMA!

SHKARKO APP

App Store
Google Play

E fundit!

x

Verstappen i afrohet titullit të katërt të Formula 1, në Brazil niset nga vendi i 17-të dhe ia del të triumfojë

4 Nëntor 2024, 09:36, Sport CNA
Verstappen i afrohet titullit të katërt të Formula 1, në
Verstappen, Burimi:Formula 1

Max Verstappen dhe Red Bull triumfojnë në Çmimin e Madh të Brazilit, me pilotin holandez që siguroi triumfin e tij të tetë sezonal, teksa tashmë është shumë pranë titullit të katërt kampion të Formula 1.

Ishte mahnitëse mënyra se si Verstappen e nisi garën nga vendi i 17-të dhe ia doli që të mposhtte të gjithë, përfshirë Lando Norris që u nis i pari.

Kjo ishte hera e pestë në historinë e Formula 1, që një pilot niset nga vendi i 17-të e pas dhe ia del të triumfojë.

Podiumi i Brazilit u plotësua nga dy pilotët e skuderisë Alpine, me Ocon që mori vendin e dytë, teksa Gasly u pozicionua në vend të tretë.

Sa u përket pilotëve të Ferrarit, Leclerc u pozicionua në vend të pestë, teksa Sainz nuk e përfundoi garën.

Pilotët e Mercedes u pozicionuan, Russel në vend të katërt, teksa Hamilton në vend të dhjetë.

Lando Norris, me makinën McLaren, zhgënjeu me vendin e gjashtë, teksa Perez me Red Bull po ashtu pati një garë jo të mirë dhe u rendit në vendin e 11-të.

Pas Çmimit të Madh të Brazilit, Max Verstappen kryeson më 393 pikë, teksa Norris qëndron i dyti me 331 pikë.

Sa u përket renditjes për konstruktorë, në vend të parë qëndron McLaren me 593 pikë, teksa vendin e dytë e mban Ferrari me 557 pikë./CNA





Lajmet e fundit nga