web counter
LEXO PA REKLAMA!

SHKARKO APP

App Store
Google Play

“Pse është i mbyllur në burg"/ Pamjet e prezantimit të lojtarit shqetësojnë tifozët

31 Gusht 2022, 11:45, Sport CNA

Shqetësuese dhe risi në të njëjtën kohë. Humor i zi është lajtmotivi i prezantimit ideuar nga Birmingham për të konfirmuar afrimin e Hannibal Mejbrit. Mesfushori 19-vjeçar tunizian vjen në formën e huazimit nga Manchester Junajtid për të fituar përvojë, për të luajtur vazhdimisht dhe përmirësuar talentin e tij.

Këtë sezon ai do të luajë në kampionatin në divizionin e dytë anglez dhe ardhja e tij ka nxitur entuziazmin e tifozëve. Por videoja e dizenjuar nga klubi për prezantimin zyrtar të futbollistit i hutoi pak tifozët. Buzëqeshja dhe stilolapsi në dorë, vështrimi i fiksuar në objektiv karakterizojnë shkrepjen e parë. Asgjë e çuditshme, fotoja që do të bëhet në momentin e nënshkrimit është pjesë e ritualit.

Sekuenca e imazheve kryqëzon figurën e lojtarit me skenën e një filmi që pati shumë sukses dhe daton në vitet '90. Ky është 'The Silence of the Lambs', një film i bazuar në librin e shkrimtarit amerikan Thomas Harris dhe fitues i Academy Awards për filmin më të mirë.

Çfarë lidhje ka Hannibal Mejbri? Ka të njëjtin emër si protagonisti 'Hannibal Lecter' (një vrasës serial i etur për gjak) i cili ndihmon agjenten e FBI-së, Clarice Starling, të kapë një kriminel të rrezikshëm dhe të pamëshirshëm duke marrë pjesë në gjueti nga burgu i sigurisë maksimale ku ai mbahet.

Klipi fillon pikërisht kështu: me skenën ku Jodie Foster (agjentja federale) shkon në atë burg për të folur me bashkëpunëtorin.Kur ai mbërrin pranë qelisë, në vend të tij është një Hannibal tjetër ... ai është lojtari i Birminghan që shfaqet pas hekurave, me krahët e mbledhur pas dhe shikimin e humbur në hapësirë. Megjithatë, jo të gjithë arritën të kuptojnë kuptimin e videos: “Pse është në burg?”, pyesnin tifozët...





Lajmet e fundit nga