web counter
LEXO PA REKLAMA!

SHKARKO APP

App Store
Google Play

Pak shanse për Brojën te Çelsi i Poçetinos, blutë bëjnë gati ofertat marramendëse për Lautaron dhe Osimhenin

14 Maj 2023, 11:00, Sport CNA

Mauricio Poçetino do të prezantohet së shpejti si trajneri i ri i skuadrës së Çelsit. Drejtuesit amerikanë të londinezëve kanë gjetur akordin me të dhe pritet që shumë shpejt ta zyrtarizojnë si teknikun, i cili do të marrë drejtimin e ekipit duke filluar nga sezoni i ardhshëm.

Por ndërkohë, po punohet që tani për t’i siguruar argjentinasit emrat që kërkon për merkaton, pasi në verë pritet një tjetër fushatë e çmendur blerjesh. Një sulmues, një mesfushor dhe një portier janë prioritetet kryesore të Poçetinos, i cili kërkon lojtarë të gatshëm që mund të bëjnë menjëherë diferencën.

Mediat angleze raportojnë se sa i përket sulmit, emrat e piketuar janë ata të Lautaro Martinezit dhe Viktor Osimhenit. Të dy yjet e Serisë A tërheqin blutë dhe njëri, ose të dy, mund të përfundojnë në verë te londinezët, të cilët kanë bërë gati një plan shitjesh për të sponsorizuar afrimet e tyre, pa harruar këtu firmën e Kristofer Nkunku, i cili u bashkohet në verë nga Lajpcigu.

Deklan Rajs dhe Aleksis MekAlister janë dy emrat që po ndiqen në mesfushë, ndërsa në portë, kandidatura e Emiliano Martinezit duket më e mundshmja.

Kështu, Armando Broja do të ketë pak shanse që të sigurojë hapësira të rëndësishme në skuadër pa u bërë më parë një spastrim thuajse i plotë i emrave aktualë në sulmin e bluve, të cilëve u shtohet edhe Lukaku, i cili kthehet në verë nga Interi.





Lajmet e fundit nga